Man Utd përgatit transferimin e Harry Kane gjatë verës

Klubi anglez, Manchester Unitedi është gati të bëjë një ofertë gjatë verës për sulmuesin e rivalëve të Tottenham Hotspur, Harry Kane.

Sipas gazetës gjermane Bild, Unitedi është shfaqur si favorit surprizë për të marrë shërbimet e anglezit Kane këtë verë.

Kjo vjen pasi rivalët lokalë të Manchester Cityt e kanë kthyer vëmendjen e tyre drejt Erling Haaland, me yllin e Borussia Dortmund që duket i gatshëm të largohet në afatin e ardhshëm kalimtar.

Klubi nga Etihad nuk është më në garë për Kane pasi katër oferta për sulmuesin e Spurs u refuzuan në vitin 2021.

Kampionët e Ligës Premier e kanë bërë Haalandin prioritet, duke parë kështu që ish-ylli i RB Salzburg të parakalojë sulmuesin e Spurs në listën e dëshirave.

Kapiteni i Anglisë i tha Spurs se donte të largohej në mënyrë që të përmbushte ëndrrën e tij për të fituar trofe, por kryetari i klubit, Daniel Levy, bllokoi të gjitha ofertat pavarësisht se sulmuesi këmbënguli se kishte një marrëveshje zotërinjësh për t’u larguar.

Dhe ndërsa City mund të ketë humbur, Kane është ende në qendër të një beteje transferimi me Unitedin, i vendosur për të testuar vendosmërinë e tyre këtë verë. /Telegrafi/