Në transkriptin e bisedës mes dy zyrtarëve, në të cilën ka pasur qasje e përditshmja Nova, thuhet se ministri i Punëve të Brendshme, Aleksandar Vulin ka premtuar se Serbia do ta informojë rregullisht palën ruse për aktivitetet e “Open Russia”.
Këto informacione janë siguruar nga Agjencia serbe e Inteligjencës dhe Sigurisë (BIA).
Dy javë pas takimit, Shërbimi Federal rus i Sigurisë (FSB) arrestoi bashkëorganizatorin e seminarit në Beograd dhe përfaqësuesin e organizatës Andrei Pivovarov.
Përfaqësuesit e opozitës ruse mbajtën një seminar vitin e kaluar, nga 4 deri më 12 maj. Sipas të pranishmëve, ky tubim është monitoruar nga sigurimi serb nga dita e parë deri në ditën e fundit.
“Më 9 maj morëm me qira një turne në Danub dhe Sava. Unë supozova se mbikëqyrja do të vazhdonte edhe atje. Në një distancë prej rreth 200 metrash, rreth gjysmës së udhëtimit tonë, vumë re se na ndiqte vazhdimisht një varkë e tipit ‘zodiak’, në të cilën ndodheshin dy burra. Të nesërmen në mbrëmje, më 10 maj, dolëm për një shëtitje në zonën e Zemunit, morëm me qira një taksi për në Kullën Gardos dhe zbritëm në rrugën Grobljanska. Duke zbritur nga taksia, vura re një ‘Volkswagen Golf’ argjendi që kalonte pranë nesh dhe pashë të njëjtët burra që kisha parë ditën e parë. Më vonë njëri prej tyre vazhdoi në varrezat e Zemunit. Ai ishte aty ku ishim ne dhe lëvizte vazhdimisht nga një stol në tjetrin, që të mos binte në sy”, ka deklaruar avokati rus Dimitri Zahvatov, pjesëmarrës në këtë seminar.
Vulin i dorëzoi transkriptet
Dy ditë pas takimit, Vulin udhëtoi për në Moskë. Qëndrimi i tij dyditor në Rusi u shënua nga takimi me sekretarin e Këshillit rus të Sigurisë, Nikolai Patrushev, të cilit, siç u mësua, i ka dorëzuar transkriptet e bisedave të regjistruara të opozitarëve rusë, duke premtuar ndihmën e Serbisë lidhur me ta.
Në transkriptin e bisedës, thuhet se Vulin i shpjegoi Patrushevit se ishte i njohur me aktivitetet e organizatës “Open Russia”, për të cilën tha se kishte mbështetjen e Perëndimit dhe “vepron kundër interesave ruse”.
“Ai premtoi se Serbia do të informonte rregullisht palën ruse për aktivitetet dhe anëtarët e saj”, thuhet në dokument.
“Për Serbinë, lufta kundër ‘revolucioneve me ngjyra’ është jashtëzakonisht e rëndësishme”, tha Vulin.
Në mbledhjen e Këshillit rus të Sigurisë, e cila u mbajt më 14 maj, dy ditë pas takimit të opozitës ruse në Beograd, Patrushev deklaroi se sesioni i fundit i Grupit të Punës kundër Revolucioneve me Ngjyra u mbajt më shumë se një vit më parë në Beograd.
Kujtojmë se për ekzistencën e këtij grupi punues opinioni mësoi vetëm në fund të vitit të kaluar, pas takimit të fundit Vulin-Patrushev, ndërsa presidenti serb Aleksandar Vuçiq dhe kryeministrja Ana Brnabiq pretenduan se nuk kishin informacion për ekzistencën e tij.
“Ky grup pune, detyra e të cilit është të rregullojë në mënyrë normative punën e OJQ-ve, të shqyrtojë mënyra për të kundërshtuar trazirat masive dhe përpjekjet për të destabilizuar rendin, duhet të ketë sesionin e radhës në Moskë gjatë verës. Marrëveshja për trajnimin e forcave serbe për luftë kundër trazirave nuk u realizua për shkak të pandemisë së koronavirusit”, vijon dokumenti.
Patrushev në takim ka folur edhe për “potencialin tejet destabilizues të Ballkanit”, i cili sipas tij është provokuar nga jashtë, nga perëndimi.
“Situata është përkeqësuar nga ardhja në pushtet e administratës së re amerikane, e kryesuar nga një njeri [presidenti amerikan Joe Biden], i cili mbron idenë e ‘përhapjes së demokracisë në mbarë botën’”, deklaroi Patrushev në takim me Vulinin.
Arrestimi në Shën Petersburg
Në të njëjtën kohë, pala ruse ka njoftuar kolegët serbë për zhvillimin e sistemit të saj informativ, i cili mundëson monitorimin e objekteve dhe monitorimin e personave të dyshimtë, ndërsa ministri Vulin vuri në dukje bashkëpunimin e jashtëzakonshëm mes dy MPB-ve, duke shtuar se me palën ruse. në nivel vjetor shkëmbyen rreth 500 informacione.
Në takim, Vulin shprehu gatishmërinë e palës serbe për të marrë pjesë në trajnime lidhur me luftën kundër trafikut të drogës, krimit të organizuar, shkatërrimit të mjeteve shpërthyese, por edhe veprimeve negative të organizatave joqeveritare.
Dy javë pas këtij takimi, në aeroportin e Shën Petersburgut është arrestuar opozitari Pivovarov, nga organizata “Open Russia”. Ekipi i tij më pas tha se policia e mori në pyetje, kontrolloi banesën e tij dhe filloi procedimin penal për shkelje të pretenduar të legjislacionit rus për “organizatat e padëshirueshme”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Protestat pro-palestineze shtojnë presionin mbi Bidenin
Palestinezët festojnë “pranimin e marrëveshjes” nga Hamasi, ndërsa izraelitët protestojnë për kthimin e pengjeve
Erdogan u bën thirrje vendeve perëndimore të rrisin presionin ndaj Izraelit për pranimin e marrëveshjes
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Protestat pro-palestineze shtojnë presionin mbi Bidenin
Droni ukrainas hedhë në erë anijen ruse në Krime, pamje nga aksioni
Erdogan u bën thirrje vendeve perëndimore të rrisin presionin ndaj Izraelit për pranimin e marrëveshjes
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'