Futbolli turk në zi: Vdes në një aksident trafiku Ahmet Çalik, ish-bashkëlojtari i Vedat Muriqit

Futbollisti turk, Ahmet Çalik ka humbur jetën tragjikisht në një aksident automobilistik.

27-vjeçari, i cili luajti tetë herë për kombëtaren e tij dhe së fundmi luajti për klubin Konyaspor, u përfshi në aksident mëngjesin e së martës në kryeqytetin e Ankarasë.

Calik gjithashtu luajti për gjigantët e Superligës, Galatasaray, pasi kaloi vitet e tij të hershme me Genclerbirligi.

Eski futbolcumuz Ahmet Çalık'ın vefat haberini derin bir üzüntüyle öğrenmiş bulunmaktayız. Merhuma Allah'tan rahmet, kederli ailesine, sevdiklerine ve Türk spor camiasına başsağlığı diliyoruz. pic.twitter.com/HscuK743Ft

— Galatasaray SK (@GalatasaraySK) January 11, 2022

Raportimet nga Turqia thonë se ngjarja ka ndodhur rreth orës 9 të mëngjesit në lagjen Hacilar të Golbasit.

Makina e mbrojtësit mësohet se ka dalë jashtë kontrollit në rrugën Ankara-Nigde para se të përmbysej. Çalik ishte i vetëm në automjet.

Në një deklaratë, Konyaspor tha: “Jemi thellësisht të pikëlluar për humbjen e futbollistit tonë Ahmet Calik, i cili ka fituar dashurinë e tifozëve tanë dhe qytetit tonë që nga dita e parë që erdhi në Konyaspor”.

Konyaspor'umuza geldiği ilk günden bu yana taraftarımızın ve şehrimizin sevgisini kazanan futbolcumuz Ahmet Çalık'ı kaybetmenin derin üzüntüsünü yaşıyoruz. Başta futbolcumuz Ahmet Çalık'ın ailesi olmak üzere hepimizin başı sağ olsun. pic.twitter.com/pmzD3SZhV6

— TÜMOSAN Konyaspor (@konyaspor) January 11, 2022

“Ngushëllime për të gjithë ne, veçanërisht për familjen e futbollistit tonë Ahmet Çalik”.

Ndërkaq, Federata Turke e Futbollit shtoi: “Me pikëllim të thellë mësuam se Ahmet Calik, futbollist i Ittifak Holding Konyaspor, i cili luante edhe në Kombëtaren tonë, ka ndërruar jetë si pasojë e një aksidenti trafiku”.

“Allahu e mëshiroftë të ndjerin; ngushëllimet tona për familjen, të afërmit e tij, klubin Ittifak Holding Konyaspor dhe komunitetin e futbollit turk”.

Gerçekten çok üzgünüm ve ne diyeceğimi bilemiyorum. Beraber aynı forma için mücadele ettiğim, çok iyi bir arkadaş, dost ve kardeşi kaybetmenin üzüntüsünü yaşıyorum. Mekanın cennet olsun kardeşim, her zaman kalbimizdesin. Başımız sağolsun. pic.twitter.com/JQJRYiHhWD

— Vedat Muriqi (@MuriqiVedat) January 11, 2022

Në lidhje me vdekjen tragjike të lojtarit turk ka reaguar edhe Vedat Muriqi, që e kishte edhe bashkëlojtar, derisa ishte i shokuar nga ky lajm: “Më vjen shumë keq dhe nuk di çfarë të them. Jam i pikëlluar për humbjen e një shoku, kolegu dhe vëllai shumë të mirë, me të cilin kam luftuar për të njëjtën fanellë. U prehtë në qiell vëllai im, je gjithmonë në zemrat tona. Na vjen keq për humbjen tuaj”.

Ish- sulmuesi i Galatasarayt dhe Arsenalit, Lukas Podolski, po ashtu bëri homazhe duke postuar në Twitter: “Më vjen shumë keq që dëgjoj lajmin, jam në shok. Vdekja nuk të shkon vëlla! Vendi juaj qoftë parajsa”.

I njohur për atletizmin dhe mbrojtjen e tij agresive, Calik pati një karrierë mbresëlënëse si në nivel klubesh ashtu edhe ndërkombëtarisht, duke përfaqësuar Turqinë në Kampionatin UEFA U-19 dhe në Kupën e Botës FIFA U-20 në 2013.

Haberi duyunca çok üzüldüm, şoktayım. Ölüm sana hiç yakışmadı kardeşim! Mekanın cennet olsun. 🙏😪 pic.twitter.com/MDF4isc8um

— Lukas-Podolski.com (@Podolski10) January 11, 2022

Më 6 nëntor 2015, qendërmbrojtësi u thirr në skuadrën e parë për herë të parë dhe bëri debutimin e tij në barazimin 0–0 të Turqisë me Greqinë .

Calik më pas u përfshi në listën prej 23 lojtarësh të Fatih Terimit për Euro 2016.

Fatkeqësisht, ai nuk bëri asnjë paraqitje të vetme dhe Turqia përfundoi e treta në një grup të vështirë që përfshinte Kroacinë dhe Spanjën, duke mos arritur në fazën eliminatore.

Calik shënoi golin e tij të parë dhe të vetëm ndërkombëtar në një miqësore kundër Moldavisë më 27 mars 2017.

Në atë që rezultoi të ishte e fundit nga tetë paraqitjet e tij, ai dyfishoi epërsinë e Turqisë në minutën e 24-të, ndërsa kombëtarja e tij fitoi 3-1 në Eskisehir. /Telegrafi/