E konfirmon gazetari spanjoll: Barcelona seriozisht po vlerëson transferimin e Adnan Januzajt

Adnan Januzaj mund të transferohet te Barcelona, në janar ose më së largu në verë.

Sulmuesi shqiptar është bërë një objektiv i gjigantit katalunas që dëshiron transferimin e tij.

Januzaj është pjesë e Sociedadit që nga vera e vitit 2017 dhe ai tanimë është futur në vitin e fundit të kontratës me klubin bask.

26-vjeçari nga Istogu pëlqehet shumë nga trajneri i ri i Barcelonës, Xavi Hernandez dhe ai mund të transferohet në Camp Nou.

Ka qenë gazetari spanjoll Lluis Canut që në një emision mbrëmë ka thënë se Barcelona ka filluar ta vlerësojë seriozisht mundësinë e transferimit të Januzajt.

Reprezentuesi i Belgjikës në verë mbetet lojtar i lirë, por sipas Canut nuk përjashtohet që Barcelona të tentojë transferimin e tij edhe në janar.

View this post on Instagram

A post shared by Telegrafi Sport (@telegrafisport)

Januzaj këtë edicion ka zhvilluar 22 ndeshje me Sociedadin ku ka shënuar dy gola e ka asistuar në dy të tjerë.

Gjithsesi gjiganti katalunas do të tentojë fillimisht që ta marrë në janar kosovarin në mënyrë që t’i shmanget konkurrencës së madhe që pritet të jetë në verë për Januzajn. /Telegrafi/

🆕 💣 Lluís Canut "Januzaj, objectiu del Barça. Podria arribar al mercat d'hivern o al juny" 🔥
L'extrem belga de la Reial Societat acaba contracte a final de temporada#onzee3https://t.co/3j42IcUhFc pic.twitter.com/wPpLQIATK0

— Onze (@OnzeTv3) December 9, 2021