Komisioni Qendror i Zgjedhjeve (KQZ) ka certifikuar të martën rezultatet e raundit të dytë të zgjedhjeve për kryetarë të komunave, me përjashtim të komunës së Prizrenit, Kllokotit dhe Dragashit. 15 ditë pas certifikimit të rezultateve, kryetarët dhe asamblistët e zgjedhur mund të marrin mandatin, e kjo bëhet me thirrjen e mbledhjes inauguruese.
Kështu shkruan neni 42 i Ligjit për Vetëqeverisje Lokale ku thuhet “Kuvendi i komunës e mbanë mbledhjen inauguruese brenda pesëmbëdhjetë (15) ditësh nga dita e certifikimit të rezultateve të zgjedhjeve. Mbledhja inauguruese e kuvendit të komunës thirret nga kryetari (aty ku është zgjedhur) brenda pesëmbëdhjetë (15) ditësh nga dita e certifikimit të rezultateve të zgjedhjeve”.
Në bazë të rezultateve partitë fituese nëpër komuna duhet lidhur koalicione në mënyrë që të kenë shumicën në kuvende komunale.
Shpejtim Bulliqi nga LVV, i cili tashmë është rizgjedhur kryetar i Komunë së Podujevës, ka thënë për Telegrafin se ende nuk kanë vendosur se me kë do të lidhin koalicion.
“Ende nuk kemi vendosur se me kë do të bëjmë koalicion, do të kemi bisedime me partitë tjera gjatë ditëve në vazhdim”, ka thënë ai.
Në Podujevë, LVV është radhitur e dyta sa i përket numrit të asamblistëve me 13 asamblistë, kurse LDK 14. Ndërsa, PDK ka fituar 4 ulëse në Kuvendin Komunal të Podujevës, AAK 3 ulëse dhe Organizata Balli Kombëtar 1 ulëse.
Për koalicion, LVV nuk ka vendosur as në Komunën e Gjilanit. Kryetari i ri i Komunës së Gjilanit, Alban Hyseni, ka thënë se sot do të kenë një takim të Kryesisë së LVV-së, për të diskutuar për koalicion.
“Sot do të kemi një takim të kryesisë dhe do të diskutojmë për koalicionet, pastaj shohim javën tjetër”, pohoi ai për Telegrafin.
Në Gjilan, LVV pavarësisht se ka fituar me kandidatin Alban Hyseni, sa i përket numrit të asamblistëve është radhitur e dyta. LVV në Gjilan ka 10 asamblistë, LDK 14 asamblistë, PDK 5 asamblistë, AAK 2 asamblistë, AKR 1 asamblist, Lista Serbe 1 asamblist, Lëvizja Qytetare Vatra 1 asamblist.
Ndryshe, neni 57 i Ligjit për Vetëqeverisje Lokale, tregon se nëse kryetari i zgjedhur dështon ta jap betimin e tij brenda një muaji nga certifikimi i rezultatit të zgjedhjeve atëherë i njëjti e humb mandatin.
Zgjedhjet lokale janë mbajtur më 17 tetor, ku 17 kandidatë morën votat e mjaftueshme për kryetar, kurse në raundin e dytë gara për kryetar u zhvillua në 21 komuna. Raundi i dytë i zgjedhjeve është mbajtur më 14 nëntor. /Telegrafi/
Lufta Prigozhin - Putin
Më shumëKush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Të shtëna me armë në Lupç të Podujevës, katër të plagosur
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Ndalohen për 48 orë pesë të dyshuar për rastin e plagosjes në Lupç
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit