Në muajin shtator, doli lajmi se autoritetet tajlandeze të imigracionit kishin bërë një arrestim të pazakontë në Bangkok.
Sipas BBC, përcjell Telegrafi, e arrestuara ishte Nur Sajat Kamaruzzaman, një sipërmarrëse e kozmetikës, 36-vjeçare nga Malajzia, me një numër të madh ndjekësish në mediet sociale.
Autoritetet malajziane kërkuan menjëherë ekstradimin e saj me akuzat për fyerje të islamit, të cilat ishin ngritur kundër saj në janar dhe që dënohen me deri në tre vjet burg.
Akuza erdhi pasi Nur Sajat kishte veshur një ‘baju kurung’, veshje tradicionale me mëngë të gjata e veshur nga gratë e Malajzisë, në një ceremoni private fetare që ajo mbajti në vitin 2018.
Nur Sajat është një grua transgjinore dhe si e tillë asaj iu dha statusi i refugjates dhe u lejua nga Tajlanda të kërkonte azil në Australi.
Në sytë e autoriteteve malajziane, Nur Sajat konsiderohet mashkull dhe sipas ligjit islam, një burrë nuk mund të vishet si grua.
Duke folur për BBC nga Sydney, ajo tha se nuk kishte zgjidhje tjetër veçse të ikte, pasi u sulmua nga oficerët e JAIS, departamenti i çështjeve fetare në shtetin Selangor, i cili kishte ngritur akuzat kundër saj.
“Më duhej të ikja. Më trajtuan ashpër, më goditën, më shtynë, më vunë prangat, të gjitha para prindërve dhe familjes. U ndjeva e turpëruar dhe e trishtuar. U dhashë atyre bashkëpunimin, por ata gjithsesi ma bënë këtë”, ajo tha.
“Ndoshta ishte sepse ata më shohin si një grua trans, kështu që nuk u interesonte nëse më mbanin, rrihnin. Edhe ne gratë trans kemi ndjenja. Ne e meritojmë të jetojmë jetën tonë si njerëz normalë”.
Konfuzioni i gjinisë
Nur Sajat është një sipërmarrëse e suksesshme. Shtatë vjet më parë, thotë ajo, filloi të promovohej në rrjetet sociale. Ajo zhvilloi suplementet e saj për kujdesin e lëkurës dhe shëndetin, duke ecur veçanërisht mirë me një korse që mbante emrin e saj të markës.
Me një pamje të pastër dhe me postime lozonjare në rrjetet sociale, ajo fitoi qindra mijëra ndjekës dhe u bë një personazh i famshëm kombëtar. Më pas filluan pyetjet për gjininë e saj.
Nuk kishte qenë kurrë një sekret. Nur Sajat mori pjesë në një konkurs të famshëm bukurie transgjinore në Tajlandë në vitin 2013, duke fituar një çmim për kërcimin e saj.
Ajo që ngriti reagime në Malajzi se ajo ishte gjithashtu myslimane praktikuese dhe postonte foto të veshura me hixhab, mbulesë islame e kokës për gratë.
Ajo u shpjegoi atyre që kërkuan se ajo kishte lindur me organe gjenitale mashkullore dhe femërore, ose interseks – një gjendje e cila në Islam trajtohet me më shumë tolerancë sesa ata që ndryshojnë gjininë e tyre të lindjes.
Në vitin 2017, Nur Sajat njoftoi se fizikisht tani ishte plotësisht grua dhe postoi një raport të mjekut për ta mbështetur atë.
Autoritetet vendosën të nisin hetimin. JAKIM, Departamenti i Zhvillimit Islam, tha se do të kishte nevojë për prova se ajo ka lindur interseks. Duke ofruar ta ndihmonin Nur Sajat me atë që e quajti “konfuzion gjinor”.
Pati më shumë polemika vitin e kaluar kur u publikuan fotografitë e Nur Sajat, e veshur me rrobat e lutjes së grave, me familjen e saj në një pelegrinazh në Mekë, duke shkaktuar kritika nga myslimanët konservatorë.
Më vonë ajo kërkoi falje që ishte shkaku i një zhurme të tillë, por brenda një viti ajo u përball me akuza penale.
“Kur isha në tokën e shenjtë doja vetëm të pyesja veten… ndoshta ka një arsye se si kam lindur?” ka thënë Nur Sajat. “Si një grua transgjinore dhe myslimane, besoj se kam të drejtë të shpreh fenë time sipas mënyrës sime. Nuk ka asnjë arsye që ata të më ndëshkojnë sikur po bëjnë punën e Zotit”, thotë ajo.
BBC i kërkoi Departamentit të Çështjeve Fetare të Malajzisë të komentojë rastin e Nur Sajat, por nuk ka marrë një përgjigje.
Në shtator, Ministri i Çështjeve Fetare Idris Ahmad tha: “Nëse ai është i gatshëm të vijë tek ne, pranon se ka bërë gabim, nëse është i gatshëm të kthehet në natyrën e tij të vërtetë, nuk ka asnjë problem. Ne nuk duam ta ndëshkojmë atë, ne thjesht duam ta edukojmë atë”. /Telegrafi/
Lufta Prigozhin - Putin
Më shumëNga Rubrika
Një javë më parë rusët kryen një sulm me tanket e modifikuara në Donetsk, kësaj radhe ukrainasit përgatitën një pritë për ta
Huthit e Jemenit pretendojnë se kanë rrëzuar një dron të ushtrisë amerikane
TikTokerja irakiane vritet brutalisht para shtëpisë së saj – pamjet rrëqethëse nga sulmi
TikTokerja irakiane vritet brutalisht para shtëpisë së saj – pamjet rrëqethëse nga sulmi
Strela 10, mbrojtja kundërajrore ukrainase rrëzon dronin rus – pamje nga aksioni
Pamje që tregojnë momentin kur ukrainasit 'fshijnë nga faqja e dheut' pjesë të sistemit rus që kushton 5 milionë dollarë
Inxhinierët ukrainas prodhojnë dronin që do të përdoret si nëndetëse për të sulmuar luftanijet ruse
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur