Paul Scholes dhe Rio Ferdinand patën një reagim të ndryshëm në golin e dytë të Ronaldos

Goli i Cristiano Ronaldos për Manchester United në barazimin dramatik 2-2 kundër Atalantas të martën mbrëma mori reagime të përziera nga studioja BT Sport.

Pesë herë fituesi i Topit të Artë, i cili ka shënuar ose asistuar 50 për qind të golave të United që nga kthimi në klub, shënoi dygolësh madhështor në ndeshjen e Grupit F për të shpëtuar skuadrën e Ole Gunnar Solskjaer nga një fatkeqësi evropiane.

Dhe goli i tij në minutën e 91-të kundër skuadrës italiane do të thotë se ata janë ende në krye të grupit të tyre me ndeshjen kundër Villarrealit dhe Young Boys që duhet zhvilluar në javët e ardhshme.

Lexo po ashtu Goli i dytë i Ronaldos në xhirim të ngadalësuar ndaj Atalantas është diçka tejet e bukur

Goli i dytë i Ronaldos sigurisht që e ngriti në këmbë ish-mbrojtësin e United, Rio Ferdinand . “O zot,” bërtiti ai. “Kjo është ajo që ai bën! Është e paligjshme. Alien!”.

Paul Scholes, ndërkohë, dukej i ftohtë, i qetë dhe i përmbajtur. Në fakt, ai mezi festoi fare teksa ishte ulur me duar në xhepa.

Thjesht nuk mund të vini në dyshim ndikimin e Ronaldos që nga ardhja e tij nga Juventusi në verë dhe pas vërshëllimës, Ferdinand lavdëroi ish-bashkëlojtarin e tij. /Telegrafi/

"This is what he does! It's illegal! Alien!"

We think @rioferdy5 enjoyed Cristiano Ronaldo's goals against Atalanta tonight… 😂#UCLTONIGHT pic.twitter.com/8NlRaF4qWu

— Football on BT Sport (@btsportfootball) November 2, 2021