Bayern Munichu fiton me rezultat të thellë ndaj Leverkusenit

Bayern Munichu ka marrë fitore të thellë ndaj Bayer Leverkusenit me rezultat 5-1 në kuadër të javës së tetë në Bundesliga.

Pas vetëm katër minutash lojë, Robert Lewandowski pranoi një asistim nga Dayot Upamecano, për 1-0.

Sulmuesi polak nuk u ndal me kaq dhe realizoi edhe të dytin pas gjysmë ore lojë, me Alphonso Davies që ishte asistuesi.

DOPPELPACK! Dieser Typ ist ________________ pic.twitter.com/cM4bf8bMbL

— FC Bayern München (@FCBayern) October 17, 2021

Katër minuta nga goli i dytë, në listë e realizatorëve u fut edhe Thomas Muller për 3-0, derisa Niklas Sule ishte asistues.

Për 4-0 u përkujdes Serge Gnabry që realizoi në minutën e 35-të, me Muller që ishte tani asistues.

SERGE² 👨‍🍳 pic.twitter.com/zdHcsTmnYx

— FC Bayern München (@FCBayern) October 17, 2021

Gjermani arriti po ashtu të realizonte golin e tij të dytë pas vetëm dy minutash nga i pari, me Leon Goretzkan që ishte asistues.

Në 45 minutat e dytë, ndeshja ishte tejet e qetë, pasi u realizua vetëm një gol.

55.| Patrik #Schick trifft und verkürzt. #B04FCB 1:5 | #Bayer04 pic.twitter.com/pj5LGHwBPN

— Bayer 04 Leverkusen (@bayer04fussball) October 17, 2021

Ishte Patrick Schick që realizoi për 5-1 në minutën e 55-të, nga një asistim i Florian Wirtz.

Bavarezët dukej se kishin marrë urdhrin që të mos shënonin më gola, pasi edhe angazhimi i tyre në fushë dukej tejet i dobët, për dallim nga pjesa e parë.

Pas javës së tetë, Bayern Munichu është lider me 19 pikë, derisa në xhiron e nëntë do të takohen me Hoffenheimin. /Telegrafi/