Isufi i kënaqur me barazimin, vlerëson edhe Gjilanin

Kryendeshja e xhiros së nëntë në BKT Superligë mes Gjilanit dhe Ballkanit ka përfunduar me rezultat të barabartë 1-1.

Ishte një ndeshje shumë e mirë nga të dyja skuadrat, por që në fund nuk pati fitues.

Trajneri i Ballkanit, Bekim Isufi ka folur pas ndeshjes për këtë sfidë duke thënë se ka pritur më shumë pasi vendasit mbetën me 10 futbollistë në fushë, por në tërësi është i kënaqur me rezultatin.

“Normal që kur jeni me një lojtar më shumë pritet më shumë. Të them të drejtën ishte ai episodi kur pranimi i golit, na hutoi. Faktorë të tjerë ndikuan për të rënduar situatën, sidomos fusha”.

“Skuadra kundërshtare ishte në nivel të duhur dhe normalisht duhet të pranojmë këtë rezultat. Në ishim ekip më e mirë edhe në pjesën e parë, kishim idetë e qarta. Patëm më shumë se 7-8 goditje në portë”, deklaroi Isufi.

“Në momentin që ju realizoni gol, ju keni bërë një veprim dhe keni realizuar. Në momentin që ti godet dhe ke posedim të topi, atëherë në tërësi jam i kënaqur. Kemi mundur më shumë ndaj Gjilanit, ka qenë i vështirë të lexohet dhe është bazuar më shumë në lojën individuale sesa ekipore. Pikët që lëshohen gjatë rrugës, kompensohen më pas”, vazhdoi tutje Isufi.

Fusha në Gjilan nuk ishte e mirë, por edhe koha ishte e rëndë dhe me shi. Sipas Isufit skuadrat duhet të adaptohen me këto kushte.

“Duhet të adaptohemi në këto kushte, përndryshe kemi ndeshjen e radhës në Dukagjin. Disa dijnë të mbajnë këtë klim me shi, por disa jo. Edhe mirëmbajtja nuk ka qenë e mirë në këtë takim, bari ka qenë i lartë as nuk është pre as asgjë, jam i kënaqur me disiplinën e lojës”, tha Isufi. /Telegrafi/