Real Madridi përjeton fillimin më të mirë të sezonit në epokën post-Cristiano Ronaldo

Që kur Cristiano Ronaldo u largua nga Real Madridi në vitin 2018, Los Blancos nuk e kanë gëzuar asnjëherë të njëjtin sukses në fillim të sezonit.

Në pesë ndeshje në sezonin 2021/22 nën drejtimin e trajnerit Carlo Ancelotti, Real Madridi ka nisur fuqishëm pasi mori katër fitore dhe një barazim në të gjitha garat.

Real Madridi nuk e ka shijuar fillimin e një sezoni kaq të begatë që nga viti 2017/18, sezoni i fundit që Cristiano Ronaldo e kaloi në klub.

‘Epoka Ronaldo’ shënoi një kohë kur Real Madridi ishte kërcënimi më i madh në Ligën e Kampionëve, si dhe një kërcënim i qëndrueshëm në La Liga.

Midis sezoneve 2013/14 dhe 2017/18, Real Madridi fitoi Ligën e Kampionëve katër herë nga pesë të mundshmet, por që atëherë ata nuk kanë arritur as në finale, me dy finale angleze në tre vitet e fundit.

Edhe pse fillimi i tyre i jashtëzakonshëm i sezonit nuk është një garanci për trofetë që do të vijnë, është një bazë e madhe për vitin e ardhshëm.

Elita evropiane

Me këtë fillim sezoni, Real Madrid aktualisht mburret me një nga rekordet më të mira në Evropë.

Bayern Munich është më i miri, pasi ka arritur gjashtë fitore dhe një barazim në shtatë ndeshje me gjithsej 31 gola të shënuar.

Paris Saint-Germain ka pesë fitore dhe një barazim nga gjashtë ndeshje, ndërsa Chelsea ka arritur katër fitore dhe dy barazime.

Më shumë gola

Real Madridi i Ancelottit gjithashtu mburret me më shumë gola se çdo ekipi i Los Blancos në disa nga vitet e fundit, ka shënuar 14 gola në pesë ndeshje.

Kjo arrin mesatarisht 2.8 gola për lojë për gjigantët spanjollë. Për të mposhtur atë statistikë, duhet të ktheheni në sezonin 2016/17, kur ata shënuan mesatarisht tre gola në ndeshje. /Telegrafi/