Kryetari i Odës Ekonomike të Kosovës (OEK), Berat Rukiqi në një intervistë në “Përballje” me kryeredaktorin Muhamet Hajrullahu në Telegrafi.com, ka folur për gjendjen ekonomisë pas vendosjes së masave për parandalimin e pandemisë COVID-19 nga Qeveria e Kosovës dhe potencialin e investimeve të huaja në vend.
Rukiqi ka thënë se duhet të rishikohen masat për ata sektorë që janë prekur më shumë nga pandemia, duke shtuar se është më rëndësi përshpejtimi i procesit shpërndarjes financiare te ato biznese.
“Përshpejtimi i procesit është më rëndësi dhe gjithashtu duhet të shikohet edhe një herë për këta sektorë që janë prekur nga masat e fundit. Ku këta sektorë kanë kërkuar edhe një infuzion financiar që i adreson këto çështje, te pjesa e shpenzimeve fikse dhe pjesa e punëtorëve. Është dashur të ekziston edhe një masë e re, ashtu siç ka qenë në prill, atëherë kur ishte mbyllja 12-ditore që i adreson shpenzimet fikse, si qiratë dhe pagat e punëtorëve. Pra jemi duke folur për një numër të kufizuar të punëtorëve dhe bizneseve”, thekson Rukiqi.
Sipas tij, që nga fundi i vitit të kaluar ka një stabilizim të bizneseve, për sa i përket qarkullimit financiar.
“Që nga dhjetori i vitit të kaluar kemi një stabilizim për sa i përket qarkullimit të bizneseve, ku ka qenë për shkak të qarkullimit të muajit dhjetor 2020 e tutje, po flas deri në fund të muajit gusht. Gjendja e bizneseve ka qenë e mjaftueshme për të ruajtur vendet e punës dhe për të menduar që t’i përfundojnë disa investime që i kanë filluar para pandemisë. Kjo ka ardhur si pasojë e rritjes së konfidencës së konsumatorëve”, tha ai.
Ai shton se bizneset kanë rikthyer besueshmërinë te bankat komerciale.
“Që nga dhjetori i vitit të kaluar kemi një stabilizim për sa i përket qarkullimit të bizneseve, ku ka qenë për shkak të qarkullimit të muajit dhjetor 2020 e tutje, po flas deri në fund të muajit gusht. Gjendja e bizneseve ka qenë e mjaftueshme për të ruajtur vendet e punës dhe për të menduar që t’i përfundojnë disa investime që i kanë filluar para pandemisë. Kjo ka ardhur si pasojë e rritjes së konfidencës së konsumatorëve”, shton ai.
I pari i OEK-ut, tregon se Kosova qëndron keq për sa i përket imazhit të investimeve, por sipas tij, eksportet kanë shënuar rritje.
“Te eksportet jemi shumë më mirë edhe perspektiva për të qenë edhe më e ndritshme. Normalisht që duhet përkrahje dhe lehtësime nga Qeveria për ta maksimizuar potencialin, por te investimet jemi keq. Kemi diskutuar edhe me kompani të huaja, e me partnerë ndërkombëtar që imazhi është një ndër çështjet ku Kosova ka problem. Nëse i shikojmë të gjithë indikatorët si korrupsioni, liria e shprehjes, sundimi i ligjit dhe disa faktorë që ndikojnë në investime, nuk jemi më keq se sa vendet e rajonit, por ne kemi keq çështjen e imazhit”, tregon Rukiqi.
“Ka pasur elemente të propagandës që kanë tentuar ta prezantojnë Kosovën si shtet të dështuar, ku në sy të investitorëve ka ndikuar keq. Për sa i përket pjesës së eksporteve, ne kemi pasur rritje në këto muajt e fundit. Pandemia i ka sjell dobi eksportit, ku shumë biznese kanë ndryshuar strategjinë ose janë në proces të ndryshimit”, vijon ai.
Në këtë intervistë, Rukiqi ka folur edhe për Marrëveshjen e Washingtonit dhe potencialin e bashkëpunimit ekonomik me Izraelin. /Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Policia me apel për qytetarët: Kujdes nga mashtrimi përmes investimeve të dyshuara online
Vlerat ushqyese të qumështit
Qysh bohet kerri i vogël, kerr i ri!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak