Ukraina ka mbyllur aktivitetin e ueb-faqes së lajmeve Strana, e cila është akuzuar si medie e afërt me propagandën pro-Kremlinit.
Ndalimi i kësaj medie është bërë me dekret të presidentit Volodymyr Zelenskiy, i cili u bë publik më 21 gusht.
Sipas medieve të vendit, redaktori i saj Ihor Hushva ka qenë në mërgim që nga viti 2018 kur Këshilli i Sigurisë Kombëtare të Ukrainës vendosi sanksione ndaj kompanive të tij.
Hushva është në mesin e dhjetëra individëve i cilësuar nga Këshilli si përhapës i “propagandës pro-ruse”.
Më 20 gusht, Këshilli ka vendosur gjithashtu sanksione ndaj një numri të figurave pro-Kremlinit në politikë, biznes dhe mediet ukrainase.
Midis tyre është Andriy Derkach, një ligjvënës ukrainas gjë që Qeveria amerikane vitin e kaluar kishte vendosur sanskione, pasi e akuzoi atë si agjent rus që u përpoq të ndërhynte në zgjedhjet amerikane.
Në janar 2021, Departamenti amerikan i Thesarit ka sanksionuar shtatë ukrainas dhe katër entitete për të qenë pjesë e një rrjeti të inteligjencës së huaj e lidhur me Rusinë që drejtohej nga Derkach.
“Sanksionet gjithashtu vendosen ndaj katër njësive që lidhen me burimet e internetit, të cilat koordinohen drejtpërdrejt ose tërthorazi nga këta qytetarë dhe kryejnë propagandë sistematike anti-ukrainase”, ka njoftuar Këshilli.
Sanskionet përfshijnë blogerët dhe politikanët Anatoliy Shariy dhe Olga Shariy, të cilët akuzohen për drejtimin e një video-blogu dhe ueb-faqeje e konsideruar pro-ruse.
Kreu i Agjencisë ukrainase të Sigurisë (SBU), Ivan Bakanov ka njoftuar se masat u morën për të mbrojtur “hapësirën e informacionit”.
“Shërbimi i Sigurisë e ka të qartë dallimin midis lirisë së fjalës dhe sulmit ndaj shtetësisë dhe sovranitetit të Ukrainës”, tha Bakanov.
Për më tepër, sanksionet u vendosën ndaj 28 anëtarëve të inteligjencës dhe shërbimeve speciale të Rusisë, si dhe gjashtë individëve të tjerë të pretenduar se ishin përgjegjës për shkeljet e të drejtave të njeriut në Krime.
Sanksionet u vendosën gjithashtu ndaj 12 personave juridikë, përfshirë kanalet televizive lokale dhe agjencitë e lajmeve nga ky rajon.
Kujtojmë se Rusia kishte pushtuar Gadishullin e Krimesë në muajin mars 2014 pasi dërgoi trupa dhe organizoi një referendum, i cilësuar si i paligjshëm nga më shumë se 100 vende. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Një epokë e re diplomacie – çfarë do të thotë për botën njohja e Palestinës nga Irlanda, Spanja dhe Norvegjia
Stacioni më i thellë i metrosë në botë gjendet në Azi – do t’ju bllokohen veshët gjatë ecjes
Municionet perëndimore ngadalësuan përparimin e rusëve drejt Kharkivit
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251