Prishtina mposhtet në Norvegji, përfundon aventura evropiane për kampionin e Kosovës

Ka përfunduar aventura e Prishtinës në garat evropiane.

Kampioni në fuqi i Kosovës është mposhtur në ndeshjen e kthimit ndaj Bodo/Glimt me rezultat 2-0.

Kësisoj Prishtina eliminohet nga garat e Ligës së Konferencës pas 180 minutave të zhvilluar ndaj Bodo/Glimt me rezultat të ngushtë 3-2.

Vendasit ishin superiorë në ndeshjen e kthimit, ku në minutën e 18-të realizuan gol për 1-0.

Biotheim realizoi me kokë për 1-0 pas një asistimit nga Vetlsen.

Bodo ka pasur mundësi të ngrit epërsinë në 2-0, por kapiteni Berg dështoi nga penalltia në minutën e 24-të.

Me epërsinë minimale të Bodo/Glimt 1-0 përfunduan 45 minutat e para të ndeshjes.

Edhe në pjesën e dytë vendasit treguan më shumë në fushë, derisa në minutën e 78-të, Botheim realizoi një gol të bukur për 2-0.

Prishtina u mundua të shënonte gol në kohën e mbetur të ndeshjes, por ishte e pamundur përballë mbrojtjes së fortë të norvegjezëve.

Rastin më të mirë e pati në fund të ndeshjes Mendurim Hoti, por dështoi ta dërgonte topin në rrjetë dhe Bodo mori fitore 2-0.

Kësisoj aventura fantastike e Prishtinës në Evropë përfundon në rrethin e tretë të Ligës së Konferencës.

Prishtina kësisoj bëhet skuadra e parë kosovare që luan në rrethin e tretë të një gare evropiane. /Telegrafi/

Erik Botheim, mine damer og herrer! 🙇‍♂️ pic.twitter.com/FfHCnCw8dk

— FK Bodø/Glimt (@Glimt) August 12, 2021