Vaksinimi në Maqedoni, gastronomët thonë se nuk kanë të drejtë t’i detyrojnë qytetarët
![Vaksinimi në Maqedoni, gastronomët thonë se nuk kanë të drejtë t’i detyrojnë qytetarët](https://telegrafi.com/wp-content/uploads/2020/10/kafene-780x439.png)
Në Maqedoninë e Veriut është rritur dukshëm interesimi i qytetarët për t’u vaksinuar.
Ky interesim i shtuar vjen pas masave të ndërmarra nga qeveria, që do të hyjnë në fuqi më 16 gusht, kush veç tjerash do të kërkohet dëshmi për marrjen e të paktën një doze të vaksinës, për të hyrë në të objektet e gastronomisë, ato të hotelierisë, pjesëmarrjen në ngjarje kulturore, konferencat, tribunat e ndryshme, ku numri i të pranishmëve është mbi 30.
Të mërkurën në Shkup u hapën katër pika të reja të vaksinimit, krahas atyre ekzistuese, me qëllim që të evitohen radhët e gjata të qytetarëve që të janë të interesuar që të vaksinohen.
Vetëm gjatë të hënës, më 9 gusht, një ditë pasi u bë i ditur vendimi i qeverisë, janë vaksinuar 18 mijë qytetarë, ku më shumë se tetë mijë kanë marrë dozën e parë të vaksinës.
Aleksandar Naumovski, 23 vjeç, që të mërkurën mori dozën e parë të vaksinës kundër koronavirusit, thotë se këtë vendim e mori pasi u bë e qartë se pa certifikatë të vaksinës nuk do të mund të dalë as me miqtë e as nuk mund të punojë me orar të shkurtuar, ku është i angazhuar në një kompani si shpërndarës i dërgesave të shpejta.
“Erdha të vaksinohem pa bërë termin paraprakisht, sepse siç jemi informuar, nga e hëna , certifikata, me të cilën dëshmohet se jam i vaksinuar, do të jetë e domosdoshme për të dalë me miqtë në lokale. Sigurisht, kjo certifikatë do të më duhet edhe për punë edhe pse pronari nuk na obligoi në mënyrë strike, pavarësisht se disa herë ka theksuar se është e pëlqyeshme që të vaksinohemi”, thotë Naumovski për Radion Evropa e Lirë.
Gastronomët: S’kemi të drejtë të kontrollojmë klientët nëse janë vaksinuar
Ndërkaq, ministri i Ekonomisë, Kreshnik Bekteshi dhe drejtoresha e Inspektoratit shtetëror të Tregut, Aneta Simeska-Dimoska, të mërkurën kanë diskutuar për “rekomandimet parandaluese, masat e përkohshme, protokollet dhe planet për veprim për mbrojtjen e shëndetit të popullatës nga COVID-19”.
Ministri Bekteshi ka shkruar në Facebook se nga java e ardhshme do të intensifikohen kontrollet në objektet e mbyllura të sektorit të gastronomisë dhe në atë të hotelerisë, ku të pranishëm janë më shumë se 30 persona.
Ndaj masave të qeverisë, që kanë për qëllim frenimin e përhapjes së koronavirusit, ka reaguar edhe Oda e Pavarur e Hotelierëve. Nga kjo odë kanë thënë se stafi i sektorit të gastronomisë nuk ka të drejtë që të kontrollojë klientët nëse janë vaksinuar.
Sipas kësaj ode, kjo masë nuk mund të zbatohet derisa “qeveria të sjellë akte të reja ligjore dhe nënligjore me të cilat do të definohet vendi i punës së personit, që do të këtë të drejtë të kontrollojë qytetarët”.
Ndërkaq, Agjencia për Mbrojtjen e të Dhënave Personale ka thënë se nuk shkelen të drejtat e qytetarëve, nëse gjatë hyrjes në objekte ku janë mbi 30 persona, bëhet verifikimi nëse ata janë vaksinuar.
Hajrulla Hasani, që menaxhon një kompleks hotelierik në “Kodrën e Diellit”, thotë për Radion Evropa e Lirë se kushti për posedimin e certifikatës së vaksinës për të hyrë në restorante apo hotele, do të dëmtojë këtë sektor. Megjithatë, ai thotë se kjo masë është e kuptueshme, marrë parasysh rritjen enorme të rasteve të reja me COVID-19.
“Tani presim një rënie të dukshme nga masat që do të ndërmerren për frenimin e COVID-19, por për mua këto masa kanë qenë të pritshme dhe ndoshta janë të patjetërsueshme, pas rritjes së numrit të të infektuarve”, thotë Hasani.
Ministria e Shëndetësisë: Vaksinat rrisin mbrojtjen ndaj infeksioneve
Autoritetet shëndetësore thonë se përhapja e shpejtë e infeksioneve, ka bërë që të rritet edhe numri i të shtruarve nëpër spitale. Shumë shpejt, sipas tyre, nëse vazhdon me këtë trend, sistemi i shëndetësisë do të kolapsojë, prandaj u kanë bërë thirrje qytetarëve që të respektojnë masat dhe të vaksinohen, pavarësisht nëse e kanë kaluar apo jo koronavirusin.
Radio Evropa e Lirë ka kërkuar shpjegim nga Ministria e Shëndetësisë nëse gjatë hyrjes në objekte të mbyllura, ku janë më shumë se 30 persona nuk vlen vërtetimi se një person ka antitrupa, por vlen vetëm certifikata e vaksinimit. Nga ky dikaster kanë thënë se vaksinimi është mekanizmi i vetëm për t’u mbrojtur nga koronavirusi.
“Mbrojtja përmes infeksionit natyral është i mirë por nuk dihet sa do të zgjasë, pasi personat që një herë janë infektuar është dëshmuar se ata sërish mund të preken nga ky virus. Në bazë të analizave, ka raste që herën e parë personat e infektuar kanë qenë asimptomatik, përderisa herën e dytë këtë sëmundje e kanë kaluar me simptoma të rënda. Kërkimet që kanë realizuar imunologët kanë nxjerrë në pah se pas infeksionit, jo çdokush arrin të fitojë nivelin e njëjtë të imunitetit, përderisa imuniteti i fituar nga vaksinat është më konsistent”, thuhet në përgjigjen e Ministrisë së Shëndetësisë.
“Përmes vaksinimit rritet sistemi mbrojtës i organizmit dhe vaksinat ulin rrezikun për një infeksion, ulin mundësinë për shfaqjen e një forme të rëndë të infeksionit”, thekson kjo ministri.
Dikasteri i shëndetësisë po ashtu bëri të ditur se deri më tani, 32 për qind e popullatës mbi moshën 18-vjeçare është imunizuar me të paktën një dozë të vaksinës.
Të ashtuquajturat certifikata të vaksinës apo COVID pasaporta janë duke u aplikuar në shumë vende të Evropës, ku përveç hyrjes në objekte të gastronomisë, ato kërkohen edhe për hyrjen në dyqane, qendra sportive dhe në disa vende edhe për shfrytëzimin e transportit publik./REL/
Promo
Reklamo këtuLufta Prigozhin - Putin
Më shumë![Historiku i përleshjeve Capat-Sekiraqa, që përfundoi me viktima](https://telegrafi.com/wp-content/uploads/2024/09/sekiraqa-capajt-780x439.jpg)
Historiku i përleshjeve Capat-Sekiraqa, që përfundoi me viktima
![Ndodh në Korçë, 86-vjeçari nxjerr gruan nga shtëpia: S’i plotësoja dot nevojat seksuale!](https://telegrafi.com/wp-content/uploads/2024/09/spiro-naumi-liljana-naumi-780x439.jpg)
Ndodh në Korçë, 86-vjeçari nxjerr gruan nga shtëpia: S’i plotësoja dot nevojat seksuale!
![](https://telegrafi.com/wp-content/uploads/2024/09/ramabeu-780x439.jpg)
"Skënderbeu i Sicilisë si Edi Rama", reagon skulptori Gëzim Muriqi
![Hapja e Urës së Ibrit, strategji elektorale apo zbatim i marrëveshjes së vitit 2016?](https://telegrafi.com/wp-content/uploads/2024/09/albini-ura-780x439.jpg)
Hapja e Urës së Ibrit, strategji elektorale apo zbatim i marrëveshjes së vitit 2016?
![Ademi, VLEN-it: Mos toleroni prekjen e gjuhës shqipe](https://telegrafi.com/wp-content/uploads/2024/07/arber-ademi-e1720176104375-780x439.jpg)
Ademi, VLEN-it: Mos toleroni prekjen e gjuhës shqipe
![Ursula von der Leyen: Në Kosovë reformat ekonomike po sjellin përfitime](https://telegrafi.com/wp-content/uploads/2022/04/4e230633-3af4-4a2f-bfc7-8a9d2964778c-1-e1725300272465-780x439.jpg)
Ursula von der Leyen: Në Kosovë reformat ekonomike po sjellin përfitime
![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
![Publikohen pamjet e reja të Titanikut - anija e famshme po kalbet në fund të oqeanit](https://telegrafi.com/wp-content/uploads/2024/09/Screenshot_3-4-780x439.jpg)
Publikohen pamjet e reja të Titanikut - anija e famshme po kalbet në fund të oqeanit
![Historiku i përleshjeve Capat-Sekiraqa, që përfundoi me viktima](https://telegrafi.com/wp-content/uploads/2024/09/sekiraqa-capajt-780x439.jpg)
Historiku i përleshjeve Capat-Sekiraqa, që përfundoi me viktima
![Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike](https://telegrafi.com/wp-content/uploads/2024/09/cats-780x439.jpg)
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
![Real Madridi kishte vetëm dy objektiva të tjerë në verë - kishte arsye të forta pse u tërhoq](https://telegrafi.com/wp-content/uploads/2023/12/BPQN7R3XVJHJJPOM26UCP6ZLDA-780x439.jpg)
Real Madridi kishte vetëm dy objektiva të tjerë në verë - kishte arsye të forta pse u tërhoq
![Çfarë tregojnë historitë e zëvendëspresidentëve për shanset e Kamala Harrisit?](https://telegrafi.com/wp-content/uploads/2024/09/Screenshot_1-4-780x439.jpg)
Çfarë tregojnë historitë e zëvendëspresidentëve për shanset e Kamala Harrisit?
![Finlanda do të zgjidhë një nga sfidat më të mëdha të njerëzimit](https://telegrafi.com/wp-content/uploads/2024/09/Screenshot_1-5-780x439.jpg)
Finlanda do të zgjidhë një nga sfidat më të mëdha të njerëzimit