“Real Madridi i kërkon gjithmonë më të mirë, andaj transferimi i tij nuk do të më befasonte” – kështu thotë Kroos për Mbappen

Toni Kroos nuk do të befasohej nëse Real Madridi do të nënshkruante me Kylian Mbappen për shkak të faktit se Los Blancos janë të njohur për joshjen e lojtarëve më të mirë në botë.

Mesfushori gjerman u pyet për ardhjen e mundshme të superyllit francez, si dhe Erling Haaland i cili gjithashtu ishte lidhur me Los Blancos në të kaluarën.

“Unë preferoj të flas për nënshkrimet që tashmë janë përfunduar”, ka thënë ai në një intervistë për Bild.

Lexo po ashtu Marrëveshja e ‘fshehtë’ e Mbappes me Real Madridin – Los Blancos tërhiqen nga gara për francezin

“Por, meqenëse Real Madridi dëshiron gjithmonë më të mirën, nuk do të isha i befasuar. Pranë tij, Haaland është padyshim lojtari më interesant në treg, dhe për këtë arsye [nuk] do të ishte [i lirë]”.

“Ne nuk duhet të harrojmë se ne jemi në një periudhë ku nuk ka një rrjedhje të pafund parash dhe, në të njëjtën kohë, ne jemi duke përfunduar stadiumin tonë [i cili] nuk është gjithashtu falas”, ka shtuar më tej Kroos.

Lexo po ashtu “A është vendi i duhur për mua?” – Mbappe shton spekulimet për të ardhmen e tij te PSG

Real Madridi është tejet i interesuar në transferimin e Kylian Mbappes, derisa edhe ky i fundit e dëshiron kalimin në radhët e tyre.

Francezi ka edhe një vit kontratë me PSG-në, andaj është shansi i tyre i fundit që në këtë verë ta shesin atë për të fituar një shumë të parave ose lojtari largohet si i lirë në drejtim të skuadrës spanjolle. /Telegrafi/