Lewandowski thuhet se dëshiron të largohet nga Bayern Munichu këtë verë

Robert Lewandowski pritet ta ketë një verë interesante, pasi mund të largohet pas shumë viteve nga Bayern Munichu.

Sulmuesi polak, i cili do të drejtojë vijën e sulmit të Polonisë kundër Spanjës në La Cartuja këtë mbrëmje mund të ndërroj ambient këtë verë.

Sipas mediumit spanjoll Diario AS, Lewandowski ka vendosur që një ndryshim i peizazhit është i nevojshëm pasi ka fituar gjithçka që fitohet me Bayernin.

Lexo po ashtu Messi, Suarez, Ronaldo, Mbappe: Euro 2020 vs Copa America - kush do të fitonte?

Në moshën 32-vjeçare, dy vjet nga përfundimi i kontratës së tij, ai beson se tani është koha e përkryer për të provuar veten në kampione tjera pas 11 vjetësh në Gjermani.

Sidoqoftë, Bayerni nuk ka ndërmend ta lejojë atë të largohet. Ata në vend të kësaj kanë folur për ofrimin e tij një marrëveshje të re dhe shpresojnë ta shohin atë duke thyer rekordin e Gerd Muller prej 365 golash në ngjyrat e klubit; ai aktualisht është në kuotën 277 golave.

Lewandowski fitoi Këpucën e Artë të këtij viti, duke shënuar 41 gola dhe duke u bërë njëri nga favoritët kryesor për të fituar Topin e Artë.

Lexo po ashtu Lista me pesë lojtarët që janë në garë për Topin e Artë – mungon Ronaldo, por jo edhe Messi

Real Madridi gjithmonë e ka pëlqyer polakun dhe është përpjekur ta nënshkruajë atë në disa raste në të kaluarën, pasi karriera e tij dhe golat e shumtë tregojnë se do të arrihej një golashënues tepër i besueshëm.

Sidoqoftë, Reali nuk do të jenë vetëm në ndjekjen e shërbimeve të tij; Chelsea, Paris Saint-Germain dhe Manchester City janë gjithashtu të interesuar. /Telegrafi/