Dyshohet se Arnautovic e ofendoi rëndë në baza etnike Alioskin – Presidenti i FFM-së, Muhamed Sejdini thotë se UEFA do të marr masa

Marko Arnautovic, sulmuesi i Austrisë, do të urrehet prej shqiptarëve për një kohë të gjatë, pas ndeshjes me Maqedoninë e Veriut.

Kjo pasi sulmuesi, pas golit të shënuar thuhet se ka ofenduar me nënë dhe etni mesfushorin shqiptar Ezgjan Alioskin.

Mediat serbe kanë shkruar se e Arnautovic, nga leximi i buzëve pas shënimit të golit, thuhet t’i ketë thënë Alioskit: “Të q…. nënën shqiptare”.

So we realize Arnautovic flashed the "white power" symbol and then went on a racist (allegedly anti-Albanian) rant, right? #EURO2020 pic.twitter.com/4Ly7XvBHL2

— Jerrad Peters (@jerradpeters) June 14, 2021

Reagimi i tij ishte me të vërtetë i turpshëm dhe UEFA mund të marrë edhe masa disiplinore.

Lidhur me këtë rast për “Kanal10” është prononcuar edhe numri një i futbollit në FFM, Muhamed Sejdini, cili nënvizoi se nëse ka ndonjë ofendim në bazë etnike, atëherë UEFA gjithsesi se do të reagojë.

“Nëse ka ndonjë fyerje në bazë nacionale, gjithsesi që UEFA do të marrë edhe masa”, ka thënë presidenti i FFM-së, Muhamed Sejdini.

Përfaqësuesja e Maqedonisë ndeshjen e dytë në kuadër të “Euro 2020” do ta zhvillojë me 17 qershor kundër Ukrainës.

Te Maqedonia janë të ftuar pesë gjashtë shqiptarë: Ferhan Hasan, Enis Bardhi, Visar Musliu, Egzon Bejtullahi, Ezgjan Alioski dhe Arijan Ademi. /Telegrafi/

Luani dhe fitoni shpërblime këtu >

Më shumë lajme nga kampionati Euro 2020 >
—