Gazetari i bën Mbappes një pyetje provokuese rreth Real Madridit, reagimi i tij i thotë të gjitha

Sulmuesit të Paris Saint-Germain, Kylian Mbappe nuk i ka pëlqyer aspak një pyetje e bërë nga një gazetar pas humbjes nga Borussia Dortmund në gjysmëfinalen e Ligës së Kampionëve.

Dortmund arriti ta fitojë edhe ndeshjen e dytë në Paris me rezultat 0-1, duke siguruar finalen e madhe të garës elitare evropiane për klube.

Pas eliminimit të PSG-së nga Dortmund, e gjithë qendra e vëmendjes ishte te Mbappe, i cili me shumë gjasa përjetoi natën e tij të fundit në Ligën e Kampionëve me klubin parisien.

Megjithatë, sulmuesit francez nuk i ka pëlqyer aspak një pyetje e një gazetari, i cili i pyeti nëse do të mbështeste Real Madridin në duelin e tyre kundër Bayernit në Bernabeu këtë të mërkurë.

Ojo a la carita de Mbappé cuando le preguntaron, después de caer de la #ChampionsLeague, si apoyará al Real Madrid en su eliminatoria contra el Bayern

📺 @MovistarFutbol pic.twitter.com/kd3vsCeh72

— MARCA (@marca) May 7, 2024

Mbappe zgjodhi të largohej nga zona mikse me një reagim dërrmues pasi la një shprehje në fytyrën e tij që i thoshte të gjitha.

Ndryshe, ylli i Francës qëndroi shumë para mediave para kësaj pyetje dhe ishte i zhgënjyer nga disfata, megjithëse pranoi se “sezoni nuk është i keq duke pasur parasysh që kanë ardhur shumë lojtarë të rinj”. /Telegrafi/