Kërkuesi shkencor i diplomuar në Harvard, Ermal Frashëri, kritikon nismën e Akademisë së Shkencave për rishkrimin e historisë, në sajë të projektit të prezantuar si “Historia e shqiptarëve”.
Frashëri thotë se “një histori zyrtare, ka ngjyrim të mentalitetit totalitar”.
“Vula e Akademisë së Shkencave nuk është mburojë për historinë”, thotë ai.
Një tjetër problem, sipas tij, është grupi i punës. Emrat e historianëve, vëren ai, do të duhej të ishin zgjedhur me kujdes në një vend që ka probleme me të kaluarën e tij.
“Projekti ka përjashtuar shkencëtarët e diasporës dhe nga ana tjetër ka në të emra si Paskal Milo dhe Pëllumb Xhufi që kanë shfaqur në kohë të ndryshme protagonizëm politik. Që të jem i qartë, nuk kam asgjë personale me Xhufin e Milon, por historia është tjetër gjë. Xhufi e Milo janë shprehur politikisht për historinë. Sigurisht që historianët mund të kenë mendime politike, por nuk mund të imponojnë zyrtarisht si histori qëndrimin e tyre personal”, thotë që ka marrë pjesë në disa konferenca shkencore historike në Shqipëri.
Sa i takon deklaratës së fundit që Milo bëri për takimin e Mit’hat Frashërit me grekun Napolon Zerva – që njihet për masakrën ndaj çamëve – Frashëri argumenton se qasja e Milos është personale.
“Milo krijon sensacion me Mit’hat Frashërin. Ai foli për të e Zervën pa dhënë kontekstin; pa dhënë arsyet dhe rrethanat. Milo krijon insinuata. Takimi me Zervën në kohë lufte, nuk ishte tradhti”, shprehet ai.
Edhe për deklaratën e Milos mbi letrën e një partizani dërguar nga Shkodra më 29 nëntor, Ermal Frashëri thotë se qasja e tij për 29 nëntorin i ngjan një fetishi, një lloj obsesioni iracional.
“Komunistët e vunë 29 nëntorin si simbol që të dallohej nga 28 nëntori. Ende nuk ka një mendim për të cilin bien dakord të gjithë se ç’është çlirimi? A është çlirimi marrje e qytetit, a është ndalim të shtënash? Në këtë kontekst, Milo është i pabesueshëm”, thotë Frashëri, ndërsa gjykon se të paktën për çështje që Xhufi dhe Milo janë shprehur politikisht, nuk duhet të punojnë në projektin e historisë.
Projekti i historisë së shqiptarëve do të marrë pothuajse tri vite kohë dhe do të kushtojë rreth 300 milionë lekë. /BW/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City