Kosova ka mbushur pesë vite që kur u anëtarësua në shtëpinë më të madhe të futbollit evropian, UEFA.
Mes shumë sakrificave dhe mundimesh, legjenda e futbollit (tashmë i ndjerë), Fadil Vokrri, ia doli që ëndrrën e shumë futbollistëve ta bënte realitet.
Me 28 vota pro, 24 kundër dhe dy abstenime në kongresin e UEFA-s në Budapest, më 3 maj 2016, Kosova u pranua si anëtare me të drejta të plota, duke u bërë kështu anëtarja e 55-të e kësaj organizate evropiane të futbollit.
Federata e Futbollit të Kosovës ka lëshuar një mesazh, aty ku është drejtuar klubeve, futbollistëve, gjyqtarëve dhe shumë personazheve të tjera për pesë vjetorin e pranimti në UEFA:
Të nderuar drejtues të klubeve, futbollistë/e, trajnerë, gjyqtarë, ish-zyrtarë të futbollit, ish-futbollistë, anëtarë të FFK-së, ju Dardanë e tifozë tjerë të klubeve, partnerë afaristë, donatorë e gazetarë sportivë.
Të nderuar qytetarë të Kosovës!
Dikur numëronim vitet e vuajtjes e të rezistencës, me shpresën që secili vit që kalonte të ishte i fundit në rrethana të vështira e jashtë familjes së madhe të futbollit evropian.
Dëshira dhe vullneti ynë nuk u venit asnjëherë, edhe pse ndonjëherë arritja e objektivit dukej sa sfiduese po aq e vështirë dhe me shumë pengesa. Megjithatë, falë përkushtimit të shumë gjeneratave dhe vazhdimësisë së futbollit, më 3 maj të vitit 2016 në Kongresin e Budapestit, arritëm që ta thyejmë izolimin e padrejtë dhe të bëhemi pjesë e familjes së madhe – UEFA.
E tani, kemi fatin që t’i numërojmë me plot krenari vitet si anëtar të komunitetit të futbollit evropian. Ky 5-vjetor na gjen më të konsoliduar e me më shumë përvojë.
Pa dyshim përvoja e 25 vjetëve të izolimit na shërbeu për ta menaxhuar më lehtë edhe situatën e re të krijuar nga pandemia globale Covid-19, që ka goditur jo vetëm futbollin, por çdo sferë të jetës.
Në këtë ditë të rëndësishme dua të falënderoj edhe njëherë të gjitha gjeneratat e futbollistëve dhe të gjithë punëtorët dhe aktivistët e futbollit që nga mëvetësimi e deri më sot. Vendosmëria e tyre për të mos u ndalur edhe atëherë kur s’kishte kushte për jetë e lëre më për futboll bëri që ne të arrijmë këtu ku jemi sot.
Meritat i takojnë gjithsecilit prej tyre, si atyre që derdhën djersë në fushën e gjelbër, ashtu edhe atyre që pronat e tyre i vendosën në shërbim të futbollit në kohën e okupimit, si dhe donatorëve të shumtë që nuk kursyen asgjë nga vetja për ta mbajtur gjallë futbollin.
Në këtë përvjetor dua të nderoj dhe të vlerësoj punën e guximshme e të palodhshme të drejtuesve të Federatës në periudha të ndryshme, duke filluar nga kryetari i parë pas mëvetësimit, Agim Bytyçi, pastaj Rexhep Abdullahu, Sabri Hashani dhe legjenda Fadil Vokrri, së bashku me të gjithë bashkëveprimtarët e tyre ndër vite.
Gjatë këtyre pesë vjetëve si pjesë e UEFA-s kemi bërë progres të madh në të gjitha aspektet dhe jemi dëshmuar si storie suksesi. Tanimë FFK gëzon respektin dhe simpatinë e UEFA-s dhe të gjitha federatave simotra.
Për një cikël të shkurtër kemi arritur ta dëshmojmë potencialin tonë, si me ekipet kombëtare, po ashtu edhe me klubet, por edhe me masivizimin e futbollit tek të rinjtë dhe tek femrat.
Anëtarësimi në UEFA pashmangshëm na ka ndihmuar edhe në përmirësimin e infrastrukturës, ku tashmë janë duke u realizuar shumë projekte, derisa në bashkëpunim me institucionet qendrore dhe ato lokale besojmë se do të bëjmë edhe më tepër në vitet e ardhshme.
Jemi me fat që kemi një rini që është e dhënë pas futbollit, andaj duhet ta shfrytëzojmë talentin dhe potencialin e saj, duke ia krijuar kushtet e nevojshme për lojën më të popullarizuar jo vetëm tek ne, por në mbarë rruzullin tokësor.
Gjithashtu jemi të bekuar që kudo në Evropë kemi talente. Ata çdo herë do të jenë të mirëseardhur për të kontribuar për atdheun e baballarëve të tyre dhe për ta ngritur sa më lart nivelin e ekipeve zinxhirë të kombëtares sonë.
Shpresoj që sa më parë të krijohen kushtet që t’i shohim sërish në stadium tifozët tanë ‘Dardanët’, pasi përveç që i japin motiv futbollistëve, me kreativitetin e tyre gjatë këtyre pesë viteve kanë krijuar imazh mbresëlënës në opinionin botëror.
Në fund, dua të falënderoj edhe një herë të gjithë miqtë dhe përkrahësit e FFK-së, posaçërisht DFB-në dhe bashkëpunëtorët tanë në Gjermani, FSHF-në me presidentin Armand Duka, zyrtarin e atëhershëm ligjor të UEFA-s, Alasdair Bell për interpretimin dhe argumentimin e shkëlqyeshëm të Statutit të UEFA-s si dhe këshilltarin e ish-presidentit të FIFA-s, Sepp Blatter, Jerome Champagne.
Në emrin tim dhe të Komitetit Ekzekutiv ia uroj këtë 5-vjetor të gjithë komunitetit të futbollit, me besim se në të ardhmen do t’u gëzohemi edhe shumë arritjeve tjera.
Le të vazhdojmë me krenari e përgjegjësi, duke rikujtuar të kaluarën plot lavdi e sakrificë!
Urime e na priftë e mbara!
Me respekt,
Agim Ademi, president i FFK-së. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Man City dhe Real Madridi nuk do ta arrijnë – Musiala gati kontratën e re me Bayern Munich
Shpejtësia e lartë dhe ndeshjet e shumta, bëjnë që ligamentet të lëndohen – Mbappe me 25 vjeç ka luajtur ndeshje sa Platini gjithë jetën
Andres Iniesta me lot në sy konfirmon pensionimin nga futbolli
Fitore e madhe e Manchester Cityt kundër Ligës Premier, paneli shpall të jashtëligjshme rregulloret që ndalonte ‘qytetarët’ të merrte sponsorizime
Legjenda e Liverpoolit pret që Real Madridi të ofrojë 150 milionë euro për yllin e Chelseat
Guardiola ka befasuar sërish tifozët e futbollit, kjo pasi pas ndeshjes i ka dhënë këshilla lojtarit kundërshtar
Barcelona humbet një lojtar të rëndësishëm për dy muaj shkaku i lëndimit
Eksperti i gjuhës së trupit zbulon detaje nga debati i tensionuar mes Ten Hag dhe Van Nistelrooy
Hansi Flick e la yllin e Barcelonës në bankë ndaj Alavesit për arsye disiplinore
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës