Deputetja e Kuvendit të Kosovës, Vasfije Krasniqi Goodman, që njëkohësisht është edhe e mbijetuara e dhunës seksuale gjatë luftës në Kosovë, deklaroi se ishte befasuar me rezultatin e arritur në zgjedhjet e 14 shkurtit.
Në emisionin Rubikon në Klan Kosova ajo u shpreh se nuk kishte bërë fushatë asnjë ditë për kandidaturën e saj dhe se nuk i kishte thënë askujt që ta votojë, por që beson se përkrahje të veçantë ka pasur nga viktimat e tjera të luftës.
“Për mua ka qenë e lehtë se nuk kam qenë në fushatë, për shkak të shëndetit tim isha në Amerikë”.
“Jam befasuar që kam pasur përkrahje aq të madhe duke mos qenë në Kosovë. Viktimat e di që më kanë përkrahur shumë, përndryshe askënd nuk e kam lutur për një votë të vetme. Ka qenë vet vullneti i qytetarëve. Veç një video të shkurtër e kam bërë për ta postuar në Facebook, s’e kam thirr askënd në telefon e t’i them ‘ama votën’. Por besoj që ata e kanë besimin te unë që do të luftoj për drejtësi e për krimet që i ka bërë Serbia”.
Krasniqi Goodman tha se nuk i është dashur të anëtarësohet në LVV për të hyrë në listën e tyre zgjedhore dhe se kjo nuk i është kërkuar, duke e quajtur veten ‘të pavarur në listën e Lëvizjes Vetëvendosje’.
“Shpresoj që ta kem hapësirën që të luftoj për drejtësi dhe ta kem përkrahjen me të gjithë, e jo veç me deputetët e Vetëvendosjes. Të gjithë duhet të bëhemi bashkë për të luftuar për drejtësi dhe që stigmën ta thyejmë së bashku. Viktimat ta dinë që e kanë një mbështetje brenda në parlament”.
Ajo po ashtu u shpreh se është pro pjesëmarrjes së saj në dialogun mes Kosovës dhe Serbisë, nëse kjo do i kërkohej.
“Unë jam e gatshme që t’ia përplas për fytyre Serbisë krimet që i ka bërë në Kosovë dhe unë jam dëshmi e gjallë për ato krime. Unë jam e gatshme, por ky është vendimi i dikujt tjetër. Serbia duhet të ballafaqohet për krimet që i ka bërë, të kërkojë falje e të denoncohet për të gjitha krimet”.
Promo
Reklamo këtuLufta Prigozhin - Putin
Më shumëNdalohen dy rusë në Jarinjë
DW: Sinjale alarmi nga Ballkani - po përsëritet historia?
“E pashë një person të maskuar me armë në dorë” – policia jep detaje nga tentim vrasja ndaj Marko Jablanvoviqit
Nëna dhe fëmijët u hodhën në lumin Buna, 9-vjeçarja përcillet sot për në banesën e fundit
Detaje të reja nga ngjarja tragjike në Shkodër
KFOR-i, EULEX-i dhe policia me ushtrim të përbashkët, Ultuas: Tregojmë gatishmërinë për të mbrojtur stabilitetin rajonal
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'