Parlamenti Evropian me shumicë të votave pro liberalizimit të vizave për Kosovën, kërkohet që të veprojë KE-ja

Parlamenti Evropian ka mbështetur kërkesën për liberalizim të vizave për Kosovën.

Kështu ka thënë raportuesja e Kosovës në Parlamentin e Evropës, Viola von Cramon, e cila ka mbajtur një fjalim gjatë diskutimit të raporteve të progresit për vendet e Ballkanit Perendimor.

“Në votimet plenare për raportin e Kosovës, shumica dërrmuese mbështet liberalizimin e vizave për qytetarët e Kosovës dhe i bëjë thirrje të veprojë Parlamentit të BE-së”, ka shkruar ajo në llogarinë personale në Twitter.

Ajo më tutje ka treguar se për liberalizimin e vizave kanë votuar 472 eurodeputetë, 165 ishin kundër gjersa 41 sosh kanë abstenuar, transmeton Telegrafi.

In the plenary votes for #Kosovo report @Europarl_EN overwhelming majority supports #visaliberalisation #visalib for the citizens of Kosovo & calls the @EUCouncil to act

472 in favour/165 against /41 abstention

— Viola von Cramon (@ViolavonCramon) March 25, 2021

Ndërkohë, gjatë raportimit në Parlamentin e Evropës, Cramon ka inkurajuar Kosovën të vazhdojë me reformat e brendshme.

“Raporti gjithashtu inkurajon Kosovën të bëjë më shumë përpjekje për çështje të ndryshme të brendshme dhe lokale. Midis tyre tema si ndryshimi i klimës, politika arsimore, dhuna me bazë gjinore, për të përmendur vetëm disa … Qeveria e Kosovës duhet të kalojë reformat dhe zbatojë ato vazhdimisht”, tha ajo.

Lexo po ashtu Komisioneri i Zgjerimit të BE-së, Varhelyi ka tri mesazhe për Qeverinë e Kosovës

Ndryshe, Komisioneri i Zgjerimit të Bashkimit Evropian, Olivier Varhelyi pohoi se Komisioni Evropian pajtohet se është koha që të liberalizohen vizat për Kosovën, por që vendimi duhet të merret nga vendet anëtare të BE-së, prandaj ky institucion inkurajon autoritetet e Kosovës që t’u drejtohen anëtarëve dhe të punojnë në zgjidhjen e kësaj çështjeje. /Telegrafi/