Pas Gjermanisë, Franca dhe Italia pezullojnë vaksinën AstraZeneca të COVID-19

Pas Gjermanisë, edhe Italia dhe Franca kanë pezulluar programin e vaksinimit të popullatës së tyre me vaksinën e AstraZeneca.

Agjencia italiane e ilaçeve ka ndaluar përdorimin e vaksinës AstraZeneca të COVID-19, “si një masë paraprake dhe përkohshme”, në pritje të një takimi të Agjencisë Evropiane të Barnave, njoftoi të hënën agjensia italiane AIFA.

“AIFA ka vendosur të zgjasë ndalimin e përdorimit të vaksinës AstraZeneca të COVID-19 në të gjithë vendin si një masë paraprake dhe përkohësisht, në pritje të vendimeve të EMA. Ky vendim u mor në përputhje me masa të ngjashme të miratuara nga vendet e tjera evropiane”, tha agjencia në një deklaratë, raporton cnn.

Lexo po ashtu Edhe Gjermania pezullon përdorimin e vaksinës së Oksford-AstraZeneca

Franca gjithashtu ka pezulluar përdorimin e vaksinës së coronavirusit të zhvilluar nga AstraZeneca dhe Universiteti i Oksfordit në pritje të rishikimit nga Agjencia Evropiane e Barnave (EMA) të martën, tha presidenti francez, Emmanuel Macron.

“Ne kemi vendosur të pezullojmë përdorimin e AstraZeneca si një masë paraprake dhe shpresojmë ta rifillojmë atë shpejt nëse këshillat e EMA e lejojnë atë”, tha Macron gjatë një konference shtypi të hënën.

Vendimi ndjek një numër vendesh të tjera evropiane që kanë pezulluar përdorimin e vaksinës AstraZeneca në pritje të vlerësimit të mëtejshëm, pavarësisht pohimeve nga Komiteti i Përbashkët i Mbretërisë së Bashkuar për Vaksinat dhe Imunizimet (JCVI) se vaksina është “testuar rigorozisht për sigurinë”. /Telegrafi/