Albulena Haxhiu ka kritikuar qeverisjen e kryeministrit Avdullah Hoti duke thënë se ka dështuar në temat kryesore në vend si menaxhimi me pandeminë, rimëkëmbjen ekonomike dhe për skandalet që sipas saj i ka kjo qeveri në kapjen e bordeve të ndërmarrjeve publike.
Ish-ministrja e Drejtësisë, njëherësh anëtare e Kryesisë së Lëvizjes Vetëvendosje, Albulena Haxhiu është deklaruar edhe rreth procesit të Vettingut që pritet të bëhet në sistemin e drejtësisë.
Haxhiu u shpreh pesimiste sa i përket këtij procesi që ka nisur gjatë kohës sa ajo ishte në krye të Ministrisë së Drejtësisë.
“Unë kisha krijuar një ekip të njerëzve përgjegjës që kanë integritet moral dhe profesional, ata në momentin kur është rrëzuar qeveria Kurti i kanë pasur edhe 10 ditë në dispozicion për të dorëzuar raportin e tyre të parë se si mund të bëhet Vettingu në Kosovë. Por ministri aktual i Drejtësisë, Selim Selimi i detyroi ata të dorëhiqen ndonëse janë persona të dëshmuar profesionalisht për faktin se nuk pranoj punën që ata kishin bërë. I shtoj në grupin tjetër diku edhe 30 persona dhe fillesat e kësaj pune ishin të trajtojnë çështjen e Vettingut në sistemin e drejtësisë, tash është përgatitur një raport nga ky grup. Unë nuk e kam parë këtë raport besoj që shumë shpejt Ministria e Drejtësisë do ta bëjë publike”, tha ajo.
Anëtarja e Kryesisë së LVV-së, thotë se në qeverinë Hoti nuk ka interesim për të pastruar sistemin e drejtësisë.
“Pavarësisht punës që kanë bërë ekipi i caktuar unë nuk jam e bindur që një qeveri aktuale si kjo mund ta shtyjë përpara çështjen e Vettingut. Një qeveri që ka të përfshirë njerëz me afera të ndryshme me akuza të ndryshme, natyrisht që nuk ka as interesin më të vogël për ta pastruar sistemin e drejtësisë”, deklaroi Haxhiu.
Gjatë intervistës për emisionin “Përballje” në Telegrafi.com, Haxhiu kritikoi Qeverinë Hoti edhe për menaxhimin e pandemisë COVID-19.
“Qeveria aktuale ka dështuar në menaxhimin e pandemisë, numri i rasteve me coronavirus po rritet në vazhdimësi, sepse ka aplikuar metoda të cilat nuk janë në favor të situatës aktuale, të hapen të gjitha pa asnjë plan, pa asnjë strategji, pa veprime konkrete, në aspektin ekonomik shumë qytetarë kanë humbur vendin e punës, kanë pasur zvogëlim të pagave, nuk ka pasur ndihmë për bizneset e vogla dhe të mesme. Ndihmat kanë shkuar për bizneset e mëdha që nuk janë prekur shumë nga pandemia. Nuk kemi pa një plan konkret”, potencoi ajo.
Megjithatë, Haxhiu thotë se fat i mirë është që qeveria Hoti nuk ka jetëgjatësi, dhe se beson që në muajt të parë të vitit 2021 vendi do të shkojë në zgjedhje të reja parlamentare./Telegrafi/
Lufta Prigozhin - Putin
Më shumëÇështja e shpërndarjes së Kuvendit, Kusari-Lila mohon se ka pasur diskutime mes PDK-së e LVV-së
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
90 milionë euro për rrugën drejt BE-së, ambasadori gjerman: Përkushtim i fortë për integrimin evropian të Kosovës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Ragmi Mustafi konfirmon kandidaturën për kryetar të Bujanocit, bënë thirrje për mobilizim masiv
Rinia Demokratike aksion para Qeverisë, simbolizojnë ikjen e profesionistëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës