Ministri i Jashtëm i Palestinës, Riyad al-Maliki, tha se vendi i tij ka vendosur të heqë dorë nga presidenca e radhës së Ligës Arabe, si reagim ndaj normalizimit të vendeve të Gjirit me Izraelin.
Maliki në një konferencë për media në ministrinë në qytetin Ramallah në Bregun Perëndimor, tha se kanë hequr dorë nga presidenca e radhës së Ligës Arabe, pasi Sekretariati i Përgjithshëm i Ligës ka mbështetur Emiratet e Bashkuar Arabe (EBA) dhe Bahreinin që normalizuan me Izraelin, raporton Anadolu Agency.
Ai theksoi se disa vende të fuqishme arabe nuk kanë dënuar largimin nga Iniciativa Arabe e Paqes dhe prandaj nuk do të ketë ndonjë vendim për dënim brenda një procesi të parashikueshëm.
“Ne nuk jemi të nderuar të shohim vendet arabe që nxitojnë të normalizohen me shtetin okupues gjatë presidencës sonë”, tha ai.
Më tej, kryediplomati palestinez potencoi se nuk bëhet fjalë tërheqja nga liga, ndërsa do të vazhdojnë punimet e tyre me vendet si Algjeria dhe Kuvajti që kanë mohuar normalizimin.
Në mbledhjen e ministrave të jashtëm të 9 shtatorit nëpërmjet telekonferencës, nuk ishte marrë vendim që dënon “normalizimin e marrëveshjeve” me Izraelin.
Sipas diplomatëve palestinezë “vendet e fuqishme arabe me ndikim” kishin ndaluar që të dalë vendim për dënimin e vendeve arabe të Gjirit që normalizuan me Izraelin në kundërshtim me Iniciativën Arabe e Paqes.
Më 15 shtator, EBA dhe Bahreini nënshkruan marrëveshje të mbështetura nga SHBA-të për vendosjen e marrëdhënieve diplomatike me Izraelin.
EBA u bë vendi i tretë, ndërsa Bahreini vendi i katërt arab që arriti marrëveshje normalizimi me Izraelin, pas Egjiptit në vitin 1979 dhe Jordanisë më 1994.
Vendet anëtare të Ligës Arabe, në vitin 2002 në kryeqytetin e Libanit, Bejrut, kishin miratuar deklaratën e Iniciativës Arabe të Paqes, që përcaktonte mohimin e normalizimit me Izraelin përderisa ky i fundit nuk njeh shtetin e pavarur palestinez kryeqyteti i së cilës është Jerusalemi Lindor me kufijtë e vitit 1967.
Promo
Reklamo këtuLufta Prigozhin - Putin
Më shumëNga Rubrika
Irlanda dhe Norvegjia pritet të njohin sot shtetin palestinez, edhe tri shtete anëtare të BE-së planifikojnë ta bëjnë të njëjtën
Ministria ukrainase e Mbrojtjes pretendon se Rusia ka humbur 496 mijë ushtarë nga fillimi i luftës
Një fragment i një komete ndriçoi qiellin mbi Spanjë dhe Portugali
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251