Kosova në telashe, pesë lojtarë rrezikojnë të mos grumbullohen për ndeshjet e shtatorit shkaku karantinës në shtetet ku jetojnë
Përfaqësuesja e Kosovës do të zhvillojë dy sfidat e para për vitin 2020 në fillim të muajit shtator.
Dardanët do të nisin kampanjën e re në Ligën e Kombeve më 3 shtator, kur do të përballen me Moldavinë në udhëtim.
Ndërkohë tri ditë më vonë në stadiumin Fadil Vokrri në Prishtinë, yjet tanë do të presin Greqinë.
Trajneri Bernard Challandes tanimë ka publikuar listën me 22 lojtarë të ftuar fillimisht, ndërsa tre të tjerë do t’i bashkohet nga U21 në ndeshjen e dytë Dardanëve.
E në listën e pritjes janë tre futbollistë të tjerë si Anel Rashkaj, Mirlind Kryeziu e Florian Loshaj.
Telegrafi merr vesh se Kosova rrezikon mos t’i ketë në radhët e veta pesë lojtarë për këto dy takime.
Krejt kjo për shkak që vendi ynë është futur në listën e zezë nga disa vende evropiane për shkak të numrit të madh të të infektuarve me pandeminë Covid-19.
Disa shtete e kanë bërë obligim që nëse një banor i tyre viziton Kosovën dhe disa vende tjera ku ka numër të madh të të infektuarve, atëherë të futet në karantinë prej 10 ditëve.
Zvicra dhe Norvegjia janë dy vendet evropiane që banorët e saj për t’i ikur karantinës duhet të udhëtojnë vetëm në vendet që janë pjesë e Schengenit.
E nga ky vendim i dy shteteve është prekur edhe Përfaqësuesja e Kosovës, pasi pesë nga lojtarët e ftuar për ndeshjen ndaj Moldavisë dhe Greqisë rrezikojnë të mos grumbullohen.
Kështu që Hekuran Kryeziu, Benjamin Kololli (Zurich) dhe Idriz Voca (Luzern) që luajnë në kampionatin zviceran janë hasur në telashe për t’i lënë të lirë klubet, shkruan Telegrafi.
Sikur mos të mjaftonin këta tre futbollistë, të njëjtin problem e kanë edhe dy futbollistët e tjerë të Kosovës e që janë shumë të rëndësishëm për trajnerin Bernard Challandes, Herolind Shala (Valerenga) dhe Elbasan Rashani (Odd).
Dyshja që kanë dhënë kontribut të madh për Kosovën luajnë në kampionatin norvegjez dhe klubet e tyre po hezitojnë t’i lënë të lirë.
Kjo për shkakun se nëse vijnë në Kosovë, kur të rikthehen në Zvicër dhe Norvegji duhet të futën në karantinë prej 10 ditësh.
Zurich, Luzern, Valerenga dhe Odd nuk po pranojnë një gjë të tillë, pasi futbollistët në fjalë janë kryesorët tek skuadrat e tyre.
Telegrafi merr vesh se Federata e Futbollit të Kosovës është duke negociuar me klubet dhe federatën zvicerane e norvegjeze për të gjetur një zgjidhje që këta futbollistë të vijnë në Kosovë.
Lojtarët kanë një plan B, nëse nuk u lejohet ardhja në Kosovë
Futbollistët gjatë gjithë kësaj kohe të pandemisë si nëpër rrjetet sociale ashtu edhe në intervista të ndryshme kanë deklaruar se po ju mungojnë ndeshjet me Kosovën, pasi janë të lidhur shumë me vendin e origjinës së tyre.
Megjithatë ata kanë menduar një plan B nëse nuk iu lejohet ardhja në Kosovë, në mënyrë që t’i shmangen karantinës në Zvicër dhe Norvegji.
Herolind Shala, Elbasan Rashani, Hekuran Kryeziu, Benjamin Kololli dhe Idriz Voca mund të udhëtojnë direkt për në Itali për ta luajtur ndeshjen e parë mes Moldavisë dhe Kosovës.
Plani është që trajneri Bernard Challandes t’i ketë në dispozicion këta pesë futbollistë për ndeshjen e parë në Itali, ndërsa ata nga Italia do të riktheheshin në vendet e tyre duke iu shmangur karantinimit.
Gjithsesi mungesa e tyre do të ndihet shumë në ndeshjen e dytë, pasi nuk do të mund të luajnë me Kosovën në përballjen e 6 shtatorit ndaj Greqisë.
Por mbesim me shpresë që Federata e Futbollit të Kosovës të gjejë një marrëveshje me klubet e yjeve tanë dhe federatën norvegjeze dhe zvicerane.
Përveç këtyre futbollistëve që rrezikojnë të mos jenë në grumbullim, Kosovës për këto dy takime i mungon edhe Vedat Muriqi i lënduar dhe Edon Zhegrova. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Tonalia u dënua sërish për baste, dita kur italiani i rikthehet futbollit është shtyrë për muaj
Struga, Shkupi dhe Shkëndija, kush bëhet kampion në Superligën e Maqedonisë? E gjithë ajo që duhet të dini për garën e nxehtë të titullit
Rashani dhe Muric në formacionin më të mirë të muajit në top pesë ligat evropiane, pjesë e tij edhe shumë yje botërore
Karim Benzema kthehet në Real Madrid
Ancelotti po mendon vendimin e befasishëm, ta lë në stol ndaj Bayernit njërin nga më meritorët e sukseseve këtë sezon
Shtatë lojtarët që mund të largohen nga Man City këtë verë
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Barcelona kërkon pesë përforcime këtë verë në katër pozicione të ndryshme
UEFA zgjedh formacionin më të mirë të javës në Ligën e Kampionëve, dominojnë lojtarët e Dortmundit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit