Klopp zbulon dy ekipet favorite për ta fituar Ligën e Kampionëve këtë sezon

Jurgen Klopp beson se Manchester City dhe Bayern Munich janë favoritët për të fituar Ligën e Kampionëve këtë sezon dhe pranon se ai do të dëshironte të shihte një përballje mes dy rivalëve të tij më të mëdhenj.

Liverpooli i Klopp fitoi garën sezonin e kaluar, por u eliminua nga Atletico Madridi këtë sezon pak para se bota të hynte në mbyllje në mars për shkak të krizës së coronavirusit.

Turneu do të rifillojë muajin e ardhshëm, me ndeshjet e mbetura të 1/16-tës, çerekfinalet, gjysmëfinalet dhe finalen që do të luhet në hapësirën e 16 ditësh.

Bayern ka epërsi pas fitores 3-0 në ndeshjen e parë ndaj Chelseat në shkurt, ndërsa City mban një avantazh 2-1 pas fitores së tyre ndaj Real Madridit në Santiago Bernabeu.

Dhe për Klopp, fituesi ka të ngjarë të vijë nga njëra prej këtyre sy skuadrave, City ose Bayerni.

“Për mua, dy favoritët e mëdhenj të mbetur në garë janë Bayerni dhe Man City. Kjo do të ishte një lojë interesante! Nuk e di saktësisht nëse mund të ndodhë, nëse ata do të takohen në gjysmëfinale apo diku tjetër”, ka thënë fillimisht Klopp.

“Bayern padyshim ka luajtur një sezon shumë mbresëlënës në Gjermani, para dhe pas mbylljes. Pasi Hansi Flick mori detyrën ishte vërtet mbresëlënëse ato që bënë”.

“Këto dy skuadra janë dukshëm dy favoritët kryesore për të fituar”.

“Konkurrenca do të jetë vërtet interesante, pasi është plotësisht e re. Por kur shihni Man Cityn, ju shihni skuadrën që ata kanë…”.

“Të gjithë kanë nevojë për fat, por siç thashë gjithmonë; nëse doni të fitoni Ligën e Kampionëve, duhet të keni formacionin tuaj më të mirë gati për në finale”.

“Nuk është se skuadrat e tjera nuk kanë asnjë shans, por unë me të vërtetë mendoj se këto dy ekipe janë favoritët”, përfundoi trajneri i Liverpoolit. /Telegrafi/