Conor McGregor shokon gjithë tifozët e tij, i jep fund karrierës së tij në UFC

Conor McGregor ka befasuar gjithë adhuruesit e tij dhe ata të UFC-së, teksa ka lajmëruar se i ka dhënë fund karrierës së tij në MMA.

Kjo nuk është hera e parë që irlandezi lajmëron se po pensionohet, pasi një gjë të tillë e kishte bërë edhe në muajin prill të vitit 2016 dhe në marsin e vitit 2019, por që më vonë u rikthye përsëri.

Ish-kampioni i botës ka postuar një foto në rrjetin social Twitter së bashku me nënën e tij, teksa ka njoftuar fansat se ka vendosur të tërhiqet nga luftërat në UFC.

“Përshëndetje njerëz, kam vendosur të tërhiqem nga luftimet. Faleminderit të gjithëve për një rrugëtim të jashtëzakonshëm. Ka qenë një rrugëtim fantastik”.

“Këtu po postoj një foto timen së bashku me mamanë në Las Vegas pas triumfit të një prej titujve botërorë”.

“Zgjidhe shtëpinë e ëndrrave Mags, të dua. Çka do që të dëshiron zemra, është e jotja”, ka shkruar McGregor.

Ky postim i tij ka befasuar të gjithë, pasi mijëra fansa të tij kanë kërkuar nga irlandezi që ta rishikoj vendimin e tij dhe të rikthehet përsëri për të luftuar.

31-vjeçari ka zhvilluar 36 meçe në artet mixe marciale ku ka shënuar 22 fitore dhe ka pësuar katër disfata. /Telegrafi/

Hey guys I’ve decided to retire from fighting.
Thank you all for the amazing memories! What a ride it’s been!
Here is a picture of myself and my mother in Las Vegas post one of my World title wins!
Pick the home of your dreams Mags I love you!
Whatever you desire it’s yours ❤️ pic.twitter.com/Dh4ijsZacZ

— Conor McGregor (@TheNotoriousMMA) June 7, 2020