Ndikimi i pandemisë COVID-19 në tregtinë globale po rezulton në çrregullime të paprecedentë të zinxhirëve të furnizimit, derisa prodhimi dhe konsumi dita ditës po shënojnë rënie të dukshme.
Anëtarët e Odës Ekonomike Amerikane në Kosovë diskutuan mbi këtë temë në një konferencë virtuale me ish-kongresmenin amerikan Jerry Weller, i cili tani është Këshilltar i Lartë në kompaninë ligjore të tregtisë ndërkombëtare Sandler, Travis & Rosenberg, P.A dhe Nicole Bivens Collinson, Drejtoreshë e Marrëdhënieve të Tregtisë Ndërkombëtare dhe Qeverisë në Sandler, Travis & Rosenberg, P.A., dhe Drejtoreshë Menaxhuese në zyrën në Washington.
Sipas njoftimit të Odës ekonomike amerikane, ish-kongresmeni Weller gjatë kësaj konference tha se pavarësisht rënieve në ekonomi duhet të merren parasysh avantazhet dhe mundësitë e krijuara në sektorët e importit dhe eksportit.
Ai potencoi se Kosova duhet të konsiderojë programin e SHBA-së mbi Sistemin e Përgjithësuar të Preferencave (GSP) si pjesë të instrumenteve të nevojshme për rivitalizim të ekonomisë pas COVID-19.
Për më tepër, ai u shpreh se në rrethana të tilla stabiliteti politik është mase i nevojshëm në të gjithë botën, meqë mos ekzistenca e këtij të fundit ndikon negativisht në strategjitë e rimëkëmbjes ekonomike.
Ish kongresmeni gjithashtu theksoi rëndësinë e shfrytëzimit të të gjithë mekanizmave bashkëpunues për vendet e prekura nga pandemia drejt uljes së dëmeve si ekonomike ashtu edhe shëndetësore.
Ekspertja e çështjeve ndërkombëtare tregtare, Nicole Bivens Collinson theksoi se pandemia ka ndikuar rëndë në ekonominë dhe tregtinë botërore, duke krijuar çrregullime në zinxhirët e furnizimit dhe tregjet financiare, derisa shtoi se nëse gjendja përmirësohet ka mundësi për rimëkëmbje financiare brenda dy viteve.
Sipas saj, edhe pse Kina ishte duke marrë një rol udhëheqës në mesin e investitorëve ndërkombëtarë në disa vende jo të zhvilluara duke pasur kështu një proporcion të madh në mallra botërore, pandemia e ka vënë në një pozitë shumë të vështirë ku edhe ka rezultuar me tkurrje negative në rritje.
Collinson gjithashtu tha se edhe ekonomitë më të zhvilluara po parashikojnë se viti 2020 do të jetë vit i rënies së ndjeshme ekonomike, gjersa përmendi masat e ndryshme kufizuese të cilat kanë ndikim jashtëzakonisht negativ në tregtinë globale.
Sipas saj, kufizimet e tilla kanë shkaktuar dhe mund të shkaktojnë probleme të reja meqë jo të gjitha ekonomitë prodhojnë respiratorë, barna apo produkte të tjera mbrojtëse për t’u përballur me krizën shëndetësore, ashtu si nuk prodhojnë edhe produkte ushqimore të konsumuara në mënyrë të përditshme.
Frymëzim Isufaj, zëvendësambasador i Kosovës në Shtetet e Bashkuara të Amerikës gjithashtu foli mbi mundësitë ekzistuese për kompanitë kosovare që burojnë nga Sistemi i Përgjithësuar i Preferencave, duke përmendur se Ambasada e Kosovës në Amerikë do të ishte e lumtur të ofronte asistencën e saj për ndërmarrjet e interesuara të eksportojnë në SHBA.
Ndërsa, ndërmarrësit anëtarë të Odës Amerikane, të prekur shumë nga ndikimi i pandemisë në veprimtaritë e tyre, morën pjesë në mënyrë në këtë konferencë, duke diskutuar mbi pasiguritë e kohëzgjatjes së krizës dhe ndikimit të shtuar që ajo vazhdon ta ketë në aktivitetin ekonomik në përgjithësi, por edhe në tregti në veçanti. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Posta e Kosovës vë në qarkullim pullat postare "Sali Çekaj, heroi i Kosovës"
Eksploro natyrën me veshjet e stilit taktik të Melodia Px
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Telegrafi Jobs, busulla jote për karrierë
Mustafa: Kosova me rritje të ngadalësuar ekonomike, Qeveria të koordinohet me aleatët
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur