Van Gaal: Disa klube janë duke përdorur krizën e coronavirusit për të përfituar

Louis van Gaal ka goditur ata që po nxisin idenë e anulimit të Eredivisie dhe akuzoi disa klube për përdorimin e pandemisë aktuale për përfitime të tyre.

Drejtori teknik i Ajaxit, Marc Overmars,  kohëve të fundit i kërkoi Federatës Holandeze të Futbollit që të ndërpresë sezonin dhe të shpallë kampionët klubin nga Amsterdami.

Megjithatë, Van Gaal nuk e pranoi me mirësi këtë mendim dhe mendon se fituesi duhet të vendoset në fushë dhe jo me ndihmën e organeve drejtuese të futbollit.

Lexo po ashtu Federata Holandeze e Futbollit zbulon afatin e UEFA-s: Kampionatet duhet të mbyllen deri më datën 3 gusht

“UEFA dhe FIFA duhet të jenë të gatshëm të rregullojnë rregullat dhe të ofrojnë hapësirë ​​për manovrim”, ka thënë fillimisht Van Gaal për Algemeen Dagblad.

“Atëherë mund të fillojmë të punojmë. Pastaj mund të zgjasim pak sezonin e ardhshëm, me më shumë ndeshje gjatë javës”.

“Ka klube që po përdorin krizën e coronavirusit për përfitimin e tyre”.

“Pas 25 ndeshjeve, nuk mund të ketë një marrëveshje që Ajaxi të jetë kampion”.

“AZ Alkmaar ka të njëjtin numër pikësh dhe ne kemi luajtur vetëm tre të katërtat e sezonit. A nuk ka rëndësi kjo? Nuk ka kuptim”, përfundoi trajneri holandez. /Telegrafi/