“Paralizohet sporti” – pezullohen edhe kampionate dhe turne të ndryshëm në futboll, basketboll dhe tenis

Kampionate dhe ngjarje të shumta sportive në të gjithë botën janë pezulluar për shkak të pandemisë coronavirus, duke përfshirë La Liga, Eredivisie, futbollin danez, MLS, ATP dhe NBA.

Organizata Botërore e Shëndetit e deklaroi coronavirusin si pandemi të mërkurën dhe më shumë vende po ndërmarrin hapa për të ngadalësuar përhapjen.

Seria A është ndalur së paku deri më 3 prill si pjesë e një bllokimi të përgjithshëm në të gjithë vendin, i cili ka parë më shumë raste dhe vdekje se çdo komb tjetër përveç Kinës.

Kategoria e parë spanjolle, La Liga, është pezulluar për të paktën dy javë dhe Real Madridi kaloi në karantinë pasi një basketbollist i tyre u testua pozitivisht me coronavirus.

Me këtë në mendje, duket e pashmangshme që ndeshja e së martës në Ligën e Kampionëve midis Real Madridit dhe Manchester City të shtyhet.

E njëjta gjë vlen edhe për Juventus-Lyon, duke parë se Bianconerët janë në karantinë pasi Daniele Rugani u testua pozitivisht.

Eredivisie holandez sot (e enjte) njoftoi se po pezullon ligën, ashtu si dhe Federata Daneze e Futbollit, Liga Portugeze dhe gjithashtu kampionati elitar amerikan, MLS.

OFFICIAL: MLS have suspended the season for 30 days.https://t.co/fOotdrrLAz

— Squawka News (@SquawkaNews) March 12, 2020

Në sportet e tjera, NBA është mbyllur pasi dy basketbollistë u testuan pozitivë, përfshirë lojtarin që preku të gjitha mikrofonat e reporterëve në një konferencë për shtyp vetëm disa ditë më parë.

Federata Ndërkombëtare e Basketbollit tashmë kishte pezulluar të gjitha garat nga 13 marsi.

Turneu i njohur i tenisit ATP është pezulluar për të paktën gjashtë javë, me ngjarje tjera në golf, hokej, moto-sport, kriket dhe shigjetari, të gjitha të shtyra. /Telegrafi/