NBA ka vendosur që të pezullojë sezonin pas lajmit se basketbollisti Rudy Gobert i Utah Jazz, ka rezultuar pozitiv me coronavirus, që është përhapur në mbarë botën me një shpejtësi të madhe.

Situata me lojtarin francez ka bërë që NBA të ndërpresë garat dhe të fusë në karantinë pjesën më të madhe të skuadrave.

NBA e ka marr këtë si masë paraprake, para se të marrë një masë përfundimtare që mund të nënkuptojë me anulimin e gjithë sezonit 2019/20.

Rudy Gobert (Foto: Chris Graythen/Getty Images)

Megjithatë ka polemikë rreth Gobert, pasi ky i fundit bëri një shaka në konferencë për shtyp, që po kritikohet nga të gjithë.

Ai u fut në sallë dhe prekur të gjitha mikrofonat, celularët dhe regjistruesit që ishin në tryezë me duart e tij.

Një ‘veprim’ aspak i mirë, që ka zemëruar të gjithë dhe ka bërë që rrjetet sociale të shpërthejnë kundër lojtarit. /Telegrafi/