Pakkush e di se Kobe Bryant ishte reper dhe gruan e takoi gjatë xhirimeve të një videoklipi

Tashmë kur kanë kaluar dhjetë ditë nga vdekja e tij, Kobe Bryant vazhdon të jetë kryetemë e mediave, të cilët publikojnë detaje të shumta nga jeta e legjendës.

Ikona e NBA ndërroi jetë në moshën 41 vjeçare pas një aksidenti tragjik me helikopter (të dielën, 26 janar), ndërsa bashkë me të vdiq edhe vajza e tij 13 vjeçare, Gianna dhe shtatë njerëz të tjerë.

Një fakt interesant që e kanë vënë në pah mediat këto ditë është se jo shumëkush e di se ai ka qenë reper kah fundi i viteve të nëntëdhjeta dhe pikërisht në atë periudhë u njoftua me bashkëshorten e tij, Vanessa.

https://www.youtube.com/watch?v=u5BcaFX1Rjs

Ai e takoi partneren e tij gjatë xhirimeve të një videoje muzikore në vitin 1999, ndërsa këtë ngjarje e kishte rrëfyer në dokumentarin e vitit 2015, “Kobe Bryant’s Muse”.

Lexo po ashtu Spekulimet mizore se Vanessa Bryant e ka vrarë veten, janë lajme të rrejshme

“Ishin xhirime dyditore të videoklipit dhe unë vazhdimisht e kërkoja atë, sikur doja ta di se ku ndodhej. e përfundoja një skenë dhe shkoja te rimorkioja ime, por pyetesha gjatë gjithë kohës se ku ndodhej”.

https://www.instagram.com/p/B6y81ELDm9n/

“Pastaj, dilja nga rimorkioja dhe doja të flisja me të më shumë”, ka rrëfyer Bryant në dokumentarin e publikuar pesë vite më parë nga Showtime.

Pas xhirimit të klipit, Kobe ia mori numrin Vanessas dhe filluan të kontaktonin më shpesh dhe nga aty filloi gjithçka. /Telegrafi/