Zyrtare: Gjilani transferon ish-lojtarin e Bursasporit dhe Fenerbahces, Fatlind Azizi

Gjilani ka konfirmuar transferimin e mesfushorit 19-vjeçar, Fatlind Azizi.

Klubi gjilanas nuk po ndalet së transferuari në këtë afat kalimtar, duke përforcuar edhe më shumë skuadrën për sezonin pranveror.

Qëllimi i “Skifterave” është titulli kampion dhe Kupa e Kosovës, kështu që kanë bërë edhe një transferim të madh.

Lexo po ashtu Mbyllet afati kalimtar dimëror edhe në Kosovë: Llapi dhe Feronikeli revolucion në skuadrat e tyre – Ballkani, Gjilani, Prishtina e Drita të kujdesshme

Bëhet fjalë për 19-vjeçarin Fatlind Azizi, i cili luan si mesfushor dhe në të kaluarën ka mbrojtur ngjyrën e të rinjve të Fenerbahces dhe Bursasporit.

Njoftimi pa ndërhyrje i Gjilanit:

ZYRTARE: Azizi i bashkohet SC Gjilanit

SC Gjilani ju njofton për arritjen e marrëveshjes me futbollistin Fatlind Azizi. Klubi ka ‘firmosur’ me mesfushorin 19 vjeçar duke e parë si të domosdoshëm për objektivat që janë vënë për këtë edicion.

Azizi, i cili luan në rolin e mesfushorit të qendrës vjen me një përvojë nga kampionati turk, me ç’rast për dy vite ishte pjesë e të rinjëve të Bursaspor dhe Fenerbahçes.

Përvoja e tij në kampionatin e të rinjëve në Turqi pritet të jetë një ndihmesë e madhe për klubin.

Fatlindit i urojmë shumë fat dhe suksese me ngjyrat ‘kuqebardh’ këtë edicion.

/Telegrafi/