Kur mbyllet afati kalimtar i janarit në top kampionatet në Evropë

Afatit kalimtar i janarit së shpejti do të mbyllen, që do të thotë se klubet kanë në dispozicion vetëm edhe dy dit për të blerë, ose për të shitur lojtarë.

Ky afat kalimtar ka qenë relativisht i qetë përsa i përket transferimeve nga klubet e mëdha, por nuk kanë munguar lëvizjet, ku disa prej tyre ishin edhe si huazime.

Pavarësisht se disa klube janë të kënaqur me ekipet e tyre në dispozicion, të tjerat mund të befasojnë në ditët në vijim.

Kur mbyllet afati kalimtar i transferimeve të janarit 2020?

Afati kalimtar i janarit 2020 në Angli mbyllet në ora 00:00 të premten e 31 janarit.

Më 31 janar po ashtu afati kalimtar mbyllet edhe në Gjermani (Bundesliga), Spanjë (La Liga), Itali (Serie A) dhe Francë (Ligue 1), që do të thotë të gjitha pesë ligat më të mira të Evropës janë në harmoni.

Interesant është se data e mbylljes së afatit të janarit 2020 përkon me datën e Brexit – diçka që do të ketë ndikim në marrëdhëniet e ardhshme sa i përket transferimeve të klubeve të Ligës Premier me pjesën tjetër të Evropës.

Sa i përket datave ka ndryshime të vogla në disa liga. Për shembull, në Portugali, afati kalimtar mbyllet më 2 shkurt, ndërsa në Rusi është hapur më 22 janar dhe mbylljet me 21 shkurt.

Në Skoci afati i transferimit ndryshon nga Anglia – me një orë pas mesantës.

Klubet kineze që në afatet e kaluara kalimtare bënin çmenduri, ata janë në fillim pasi afati kalimtar mbyllet më 28 shkurt.

Sidoqoftë, aktiviteti i transferimit në vendin aziatik do të jetë i ulët, shkaku i Coronavirusit.

A mund të bëhen transferimet pas mbylljes së afatit kalimtar?

Klubet mund të përfitojnë nga një “periudhë deri sa të kompletohen dokumentet” prej një ore pas mbylljes së afatit kalimtar, por klubet duhet të paraqesin një fletë marrëveshje mes orës 09:00 dhe 11 të mëngjesit.

Qëllimi i kësaj periudhe kohore pasi mbylljes së afatit bëhet që tu lejohet klubeve të plotësojnë informacionin e kërkuar nga “Sistemi për Transferime i FIFA-s”.

Nëse një fletë marrëveshje nuk është dorëzuar në kohë, atëherë një transferim potencialisht mund të mos kryhet.

Kur u hap afati kalimtar i janarit?

Afati është hapur me 1 janar. Me mbylljen e afatit kalimtar të premten me 31 janar do të thotë që klubet kanë një muaj për të përfunduar marrëveshjet.

Ka pasur një mori lëvizjesh, siç janë blerjet e Interit nga Liga Premier: Ashley Young  (Manchester United), Victor Moisiu (Chelsea) dhe Christian Eriksen (Tottenham).

Qëndroni të informuar për të gjitha marrëveshjet e transferimit të fundit të kryera  në top ligat evropiane, ku Telegrafi do t’ju mbajë të informuar këtu.

/Telegrafi/