Tifozi anglez tregon si i humbi kuleta me rreth 600 euro në Prishtinë, por ia kthyen pa i marrë asgjë nga ajo

Tifozët anglezë kanë mbetur të befasuar nga pritja që iu bë në Prishtinë për përballjen që Kosova e zhvilloi ndaj Anglisë në kuadër të kualifikimeve për Euro 2020.

‘Tre Luanët’ fituan në stadiumin “Fadil Vokrri” 4-0 ndaj Përfaqësueses tonë, por që ishte të mahnitur nga pritja që iu bë në Prishtinë.

Një tifoz anglez, Steve Bruce, kishte një moment të hidhur në Prishtinë, pasi kishte humbur kuletën me 600 euro në të.

Por, nuk kishte kaluar shumë kohë dhe atij i ishte kthyer kuleta me të gjitha gjërat dhe paratë që kishte aty nga një kosovar.

Lexo po ashtu Tifozi i Anglisë për pritjen në Kosovë: Pronari i hotelit na liroi nga pagesa dhe na bleu katër birra

Bruce ka shkruar në llogarinë e tij në Twitter se një djalosh kishte hyrë në lokal dhe ia kishte kthyer menjëherë dhe asgjë nuk i mungonte.

“Më ra kuleta në rrugën kryesore në Prishtinë. Një djalosh hyn në lokal dhe ma kthye, pa më marrë asgjë. Sinqerisht, Kosova është e madhe”, shkroi Bruce në llogarinë e tij.

Drop my Wallet in the main street in Pristina guy walks into the bar and returned it nothing taken , Kosovo Honestly is Massive #EnglandAway #EURO2020 #NUFC #koseng

— 🏴🏳 🏴󠁧󠁢󠁥󠁮󠁧󠁿 (@scooterboy48) November 18, 2019

Ai kishte në kuletën e tij rreth 600 euro dhe kredit kartelat, por asgjë nuk i ishte marrë dhe tifozi kosovar i kishte kthyer atë të paprekur. /Telegrafi/

Seriously I had £500 in my Wallet and my credit cards nothing was taken, the Kosovo people were the Best

— 🏴🏳 🏴󠁧󠁢󠁥󠁮󠁧󠁿 (@scooterboy48) November 18, 2019