Qeveria e Maqedonisë sqaroi idenë e Njësisë për shpëtim të shpejtë me helikopterë

Pushteti dhe opozita maqedonase kanë matematikë të ndryshme për partneritetin publiko-privat për ndihmë të shpejtë me helikopterë.

Nga Qeveria thonë se shteti nuk do të investojë asnjë denar për zbatimin e këtij projekti.

Sekretari i Përgjithshëm, Dragi Rashkovski në brifing me gazetarët thotë se arritjen e kësaj marrëveshje fitojnë qytetarët dhe shteti, njofton Telegrafi Maqedoni.

Intervenimit e dy helikopterëve në rast aksidenti do të jenë falas, ndërsa pas tetë viteve, e gjithë pajisja do të mbetet në pronësi të shtetit.

Sipas OBRM-PDUKM-së, arritja e kësaj marrëveshje shtetit do t’i kushtojë disa milionë euro. Ata dyshojnë se përfaqësuesit e lartë qeveritar do të kenë përfitim nga realizimi i projektit.

“Zaev dhe banda kriminale zhvatëse rreth tij duan që 72 milionë euro t’i japin në formë koncesioni, përkatësisht në partneritet privato-publik me një firmë e themeluar para disa ditëve. Shteti humb në shumë mënyra. Që të kuptojnë qytetarët më mirë për mashtrimit, duhet të dihet se me 72 milionë euro, aq sa Zaev do të japë për tetë vite, mund të blihen 15 helikopterë më të llojit më të ri për ndihmë mjekësore”, thotë Igor Janushev nga OBRM-PDUKM./Telegrafi/