Maqedoni, nuk ka më legalizime të ndërtimeve pa leje për një euro metër katror

Të gjitha rastet për legalizimin e objekteve ilegale të paraqitura deri më 31.12.2018 janë në proces dhe në veprim. Ligji i ri, i cili aktualisht është duke u përgatitur, nuk do të legalizojë më një euro për metër katror, por shërbimet komunale do të paguhen plotësisht, ndërsa parashikohen edhe dënime.

“Kur dikush nuk e ka legalizuar më, ndërsa ligji tashmë i ka dhënë një shans, atëherë legalizimi tjetër do të jetë 150%. Nëse shërbimet komunale janë 6.000 denarë ose 3.000 denarë, atëherë ata do të duhet të paguajnë 4.500 denarë në vend të 3.000 denarëve”, tha Zoran Zaev, përcjell Telegrafi Maqedoni.

Dënimi është për arsye se ndokush nuk mund të paguajë për ndërtime të ligjshme, ndërsa tjetri për ndërtime të paligjshëm, sqaroi Zaev, por shtoi se ndërtimet e ndërtuara tashmë nuk do të prishen sepse Maqedonia nuk është mjaft e pasur për të shkatërruar të mirat materiale. Ligji është zhvilluar në bashkëpunim me BNJVL-në, me qëllim të gjetjes së statusit juridik të objekteve që nuk mund të legalizohen në përputhje me zgjidhjen ligjore ekzistuese.

Dy mundësi janë, ose statusi juridik duhet të zgjidhet ose ato duhet të prishen kudo. Absolutisht mendoj, sipas vlerësimeve të Qeverisë dhe të BNJVL-së, se po gjejmë një mundësi që këto objekte të zgjidhen”, tha Goran Sugarevski, Ministër i Transportit dhe Lidhjeve./Telegrafi/