Kandidati i AKR-së për deputet Valdrin Lluka: Fokusi ynë do të jetë zhvillimi ekonomik
Kandidati për deputet të Kuvendit të Kosovës nga radhët e Aleancës Kosova e Re, Valdrin Lluka në një intervistë për “Përballje ditore”, me gazetarin Muhamet Hajrullahu në Telegrafi.com ka folur rreth kandidimit të tij në zgjedhjet parlamentare të 6 tetorit, dhe programit qeverisës që ofrojnë në kuadër të koalicionit me Nismën dhe Partinë e Drejtësisë.
Lluka ka thënë se Kosovës i duhet një qeveri stabile.
“Koalicioni ynë është koalicion shtetformues, koalicioni ynë do t’i jep kahje finale qeverisë. Duke u bazuar në anketat se ku janë partitë më të mëdha, secili kombinim i mundshëm nuk mund të arrijë të bëjë një qeveri të fortë, duhet t’i ketë 60 deputetë shqiptarë, përndryshe me 51 deputetë shqiptarë nuk do të mund të arrijë të jetë i qëndrueshëm dhe të mos finalizohen punët e mëdha”, ka thënë ai.
Gjatë intervistës, Lluka ka pohuar se programi i tyre do të jetë i fokusuar në zhvillimin ekonomik.
“Tri shtyllat kryesore do të jenë arsimi, rinia dhe sporti, pjesa e dytë zhvillimi ekonomik dhe sistemi shëndetësor. Këto janë shtyllat kryesore, por parashihen dhe tema siç janë dialogu dhe taksa. Mendoj që kemi një plan-program të kompletuar, më të mirin nga partitë tjera, sidomos sa i përket zhvillimit ekonomik jemi larg nga të gjithë”.
“Kur flasim për Trepçën ne jemi ata që i kemi dhënë kahje kësaj çështje dhe tashmë është e gatshme për investime, po ashtu edhe Telekomin e kemi gjetur buzë falimentimeve dhe me kontrata të dëmshme dhe tashmë janë ndërprerë disa kontrata dhe Telekomi po merr frymë lirshëm. Termocentrali është nënshkruar nga qeveria që tashmë është larguar dhe është ndër projektet madhore që kemi pasur në Kosovë. Tri këto projekte dhe disa tjera që kanë filluar do t’i mundësojnë Kosovës rritje ekonomike për 2 për qind më shumë – nga 4 sa është tani në 6 për qind”, theksoi ai.
Gjithashtu Lluka ka thënë se ka pajtueshmëri brenda koalicionit sa i përket zhvillimit ekonomik.
Ai ka shtuar se qeveria e re duhet të fokusohet në zhvillim ekonomik dhe të largohen temat që kanë të bëjnë me Serbinë.
“Përderisa ne nuk fokusohemi në ekonomi dhe merremi me Serbinë, përçojmë mesazhe që po duam të merrem me ta. Duhet të vjen një qeveri që i jep fokus të madh ekonomisë ose në afat të shkurtë të kryeje çështjen me Serbinë. Duhet të bëjmë politika më të mira dhe të kopjojmë shtetet që kanë ekonomi të mirë”, deklaroi ai.
Në fund, Lluka u shpreh i bindur se koalicioni Nisma-AKR-PD në zgjedhje do të sigurojë së paku 12 deputetë. /Telegrafi/
Lufta Prigozhin - Putin
Më shumëPlagosja e katër personave, deklaratat e Policisë e Prokurorisë – gjithçka nga rasti në Lupç të Podujevës
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
Pse Jamal Musiala vendosi të mos përfaqësojë Anglinë në nivel të lartë, duke përzgjedhur më pas Gjermaninë
U tha se do të vinte në Shqipëri për t'u takuar me Heidin në Big Brother - Massimiliano Varrese vjen me një mesazh në shqip
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit