Konfliktet tregtare ndërkombëtare dhe rënia e koniunkturës botërore e kanë frenuar ekonominë gjermane, që suksesin e saj e bazon tek eksporti. Prodhimi i Brendshëm Bruto u ul me 0.1 për qind në tremujorin e dytë të këtij viti, krahasuar me një vit më parë, bëri të ditur Zyra Federale e Statistikave.
Frenimi vjen nga zhvillimet në tregtinë e jashtme. Eksportet e mallrave dhe shërbimeve janë ulur shumë më tepër se importet. Shpenzimet private të konsumit nga ana tjetër janë rritur, firmat investojnë më shumë.
Me gjithë një rënie të lehtë ekonomike të ekonomisë më të fuqishme të Bashkim Evropian, Gjermanisë, Eurozona ka shënuar rritje ekonomike. Prodhimi i Brendshëm Bruto aty u rrit me 0.2 për qind, bëri të ditur Zyra Evropiane e Statistikave. Si krahasim, ekonomia më e madhe botërore, Shtetet e Bashkuara të Amerikës shënoi në pranverë një rritje 0.5 për qind.
Nga vendet kryesore të Eurozonës, vetëm Gjermania ka pasur tregues më të dobët.
“Shembullori tani po bëhet një fëmijë problematik”, është shprehur kryeekonomisti i bankës Lampe, Alesander Krüger.
Franca si numri dy i Eurozonës ka pasur një rritje 0.2 për qind, ndërkohë që Italia ka mbetur e pandryshuar. Spanja dhe Holanda kanë shënuar një rritje prej 0.5 për qind.
Ekonomisë më të madhe evropiane i jep hov dëshira për konsum. Për shkak të gjendjes së mirë në tregun e punës, njerëzit duan të blejnë. Kësaj i shtohet që depozitimi i parave në bankë nuk ia vlen pasi përqindjet janë shumë të ulëta. Por sipas ekspertit të Institutit të Marketingut GfK, Rolf Bürkl edhe konsumatorët po japin shenja pasigurie. Njoftimet për shkurtim personeli, apo kufizimin e punës kanë bërë të rritet frika nga humbja e vendit të punës.
Industrinë gjermane e rëndojnë krahas rënies së koniunkturës botërore dhe konfliktit tregtar SHBA-Kinë edhe pasiguria lidhur me BREXIT. Kësaj i shtohet edhe ndryshimi strukturor drejt elektromobilitetit në industrinë e automjeteve.
Mario Ohoven, presidenti i Shoqatës Federale të Biznesit të Mesëm i ka kundërshtuar njoftimet, se rënia e ekonomisë gjermane mund të lidhet vetëm me faktorët e jashtëm. Përkundrazi, “rënia e fortë e koniunkturës është krijuar nga brenda. Arsyeja kryesore për recesionin kërcënues qëndron tek prioritetet e gabuara të qeverisë federale”.
Ohoven kërkoi nga qeveria impulse investimesh me reduktimin e kontributit për papunësisë, një kuotë të patatimueshme në llogaritjen e kontributeve sociale, por edhe heqjen e tatimit të solidaritetit.
Edhe të dhënat për tremujorin e tretë nuk duken optimiste. Sebastian Dullien, drejtori i Institutit të Makroekonomisë i fondacionit Hans-Böckler tha se “ekonomia gjermane ndodhet në zgrip”.
“IMK dhe institute të tjera prisnin një rehabilitim të shpejtë të ekonomisë, por kjo nuk ndodhi”, thotë Dullien.
Shifrat aktuale ekonomike i komentoi edhe drejtori i Dhomës Gjermane të Industrisë e Tregtisë, Martin Vansleben.
“Aktualisht nuk duket ndonjë shenjë kthese. Në sondazhin e DIHK bizneset raportojnë për perspektiva të zymta. Pritshmëritë kanë rënë në të gjithë sektorët. Edhe ato për tregtinë e jashtme janë më të ultat që prej 10 vjetësh. Nëse nuk ndërmarrim tani veprime, ekonomia gjermane do të futet në darë me rënien e koniunkturës”, thotë Vansleben.
Kancelarja Angela Merkel ende nuk sheh nevojën e një pakete koniunkturore. Vërtet që ekonomia po futet në “një periudhë të vështirë”, tha ajo në Rostock, por Merkel paralajmëroi nga toni negativ.
“Ne do të reagojmë sipas situatës”, kishte thënë Merkel.
Për të gjithë vitin, qeveria federale pret një rritje ekonomike prej 0.5 për qind. Vitin e kaluar rritja ekonomike kapi shifrën e 1.4 për qind. /DW/Telegrafi/
Promo
Reklamo këtuLufta Prigozhin - Putin
Më shumëÇka është rregulla 30:30:30:10 kur bëhet fjalë për financat dhe si duhet ta shfrytëzoni?
Vazhdon super oferta për Peugeot 2008 nga Mercom Company
Studio Infermierinë (Ausbildung) në Gjermani dhe fito pagë mujore gjatë studimeve
Kurrë s’e ke pas ma lehtë se me Telegrafi Jobs me gjetë punë!
A jeni gati për mbrëmjen e Maturës?
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'