Barcelona konfirmon se është thyer rekordi i shikueshmërisë në Camp Nou në miqësoren ndaj Arsenalit

Barcelona ka njoftuar se kanë thyer rekord shikueshmërie në miqësoren ndaj Arsenalit që u zhvillua në Camp Nou.

Skuadra katalunase e mposhti atë londineze me rezultat 2-1, derisa golat u shënuan nga Pierre-Emerick Aubameyang, Maitland-Niels (auto-gol) dhe Luis Suarez.

Përballja që nuk pritej të kishte interesim të madh shkaku se ishte vetëm një miqësore, ka vërtetuar të kundërtën.

Blaugranasit kanë konfirmuar se kanë thyer rekordin e tifozëve prezent në stadiumin e tyre, që ishin plotë 98, 812 tifozë.

Rekordi i shikueshmërisë mbahej nga përballja e Barcelonës me Liverpoolin në sezonin e kaluar të Ligës së Kampionëve me 98,299 mijë tifozë të pranishëm.

Lexo po ashtu Barcelona e mposht Arsenalin në miqësoren e zhvilluar në Camp Nou

Këtë numër kaq të madh e bënë edhe më interesant edhe mos-paraqitja e Lionel Messit ndaj Gunners.

Argjentinasi ishte në stol, mirëpo Ernesto Valverde nuk e inkuadroi pesë herë fituesin e Topit të Artë shkaku se nuk ka shumë kohë që është rikthyer nga pushimet. /Telegrafi/

👥 98,812 people in the Camp Nou … the biggest crowd EVER for the Gamper!
🙌 Barça fans … You're great!
🔵🔴 #GamperFest 🏆 pic.twitter.com/rJ1DJLJjct

— FC Barcelona (@FCBarcelona) August 4, 2019