Barcelona bëri përpjekjen e fundit të dëshpëruar, por De Ligt ka zgjedhur Juventusin

Barcelona bëri një përpjekje të fundit të dëshpëruar për të rrëmbyer Matthijs de Ligt, i cili pritet të kryej sot (e hënë) testet mjekësore për t’u transferuar te Juventusi.

Mbrojtësi i Ajaxit kishte pranuar kushtet personale të Juves javë më parë dhe dy klubet gjithashtu me sa duket kanë arritur marrëveshje për një pagesë transferimi për 65 milionë euro plus bonuse.

Sipas gazetës Mundo Deportivo, Presidenti i Barcelonës, Josep Bartomeu e thirri De Ligt personalisht për të kërkuar një takim me të, për të cilin o njoftua edhe agjenti i holandezit, Mino Raiola.

Lexo po ashtu Juventusi pajtohet t'i paguajë Ajaxit çmimin e kërkuar për De Ligt, zyrtarizimi afër

Në këtë pikë, Raiola i tha Barcelonës se një takim mund të ndodhë vetëm nëse ata përputhen si me tarifën e transferimit të Juventusit ashtu edhe me kushtet personale.

Megjithatë, Blaugranët u tërhoqën dhe përfundimisht braktisën shpresat e tyre për nënshkrimin ne De Ligt.

Lexo po ashtu De Ligt thuhet se ka nënshkruar një kontratë marramendëse me Juventusin

19-vjeçari pritet të arrij në Torino këtë mbrëmje, kështu që ai mund t’i nënshtrohet testeve mjekësore nesër (e martë) në mëngjes.

Juventusi shpreson të kryej transferimin me këtë datë, pasi është një vit nga dita që Cristiano Ronaldo u ul në aeroportin e Caselle. /Telegrafi/