Unitedi pëlqen ende Hysajn

Manchester Unitedi po mban njërin sy tek mbrojtësi shqiptar i Napolit, Elseid Hysajn, pasi ai do të kushtonte shumë më pak sesa Crystal Palace po kërkon për Aaron Wan-Bissaka.

Interesimi i Djajve të Kuq për Wan-Bissaka është i mirënjohur, por Palace ka refuzuar oferta të shumëfishta për reprezentuesin e Anglisë U-21 dhe besohet se po kërkon fiks 60 milionë funte apo rreth 67.5 milionë euro.

Sipas mediave angleze një marrëveshje në vlerë 62 milionë euro është arritur tashmë mes palëve, por italianët e Sky Sport Italia raportojnë se klubi anglez po mban ende shikimin te Hysaj.

Lexo po ashtu Manchester United gjen akordin me Crystal Palace për Wan Bissakan – anglezi bëhet mbrojtësi anësor më i shtrenjtë në histori

Propozimi më i fundit i klubit nga Old Trafford për shqiptarin besohet të jetë me vlerë 40 milionë funte apo 45 milionë euro, duke përfshirë bonuse të ndryshme.

Eksperti i transferimeve të Sky Sport Italia, Gianluca Di Marzio pretendon se Unitedi e ka kthyer vëmendjen e tyre drejt një mbrojtësi shumë më të volitshëm.

Lexo po ashtu Refuzohet oferta e parë e Atleticos për Hysajn

Napoli e ka vënë Hysajn në treg, ndërsa për lojtarin ka interesim nga Atletico Madrid dhe Juventus, por asnjëra nuk ka shprehur gatishmëri për ta paguar çmimin e kërkuar.

Hysaj pritet ta ndërroj skuadrën këtë verë, por mbetet të shihet se ku do të jetë e ardhmja e tij. /Telegrafi/