Legjenda e futbollit gjerman, Lothar Matthaus viziton klubin e Prishtinës

Prishtina sot kishte një mysafir special, legjendën e fundit gjerman, Lothar Matthaus, i cili u njoftua me klubin nga kryetari Remzi Ejupi.

Me Matthausin ishte i pranishëm edhe kryetari i Komunës së Prishtinës, Shpend Ahmeti.

“FC Prishtina pati nderin të mirëpres ish-kampionin e botës me Gjermaninë dhe kapitenin e saj, Lothar Matthaus”.

“Legjenda e futbollit gjerman u takua me zyrtar të klubit së bashku edhe me fëmijët e Shkollës së futbollit FC Prishtina”.

“Përveç futbollit, u bisedua, dhe ish-futbollisti i Inter dhe Bayern Munih, u njoftua për projektet sportive të infrastrukturës të klubit më të madh në vend”, thuhet në falënderimin e klubit.

Në promovimin e zyrave rë reja ishte i pranishëm edhe kryetari Shpend Ahmeti

FC Prishtina sot e promovoi edhe zyrën e saj të re, ndërsa me prezencën e tij i pari që vizitoi këtë zyrë ishte kryetari i Komunës së Prishtinës, z. Shpend Ahmeti.

Kryetari Ahmeti ishte më meritori që sot pranë klubit solli edhe legjendën e futbollit gjerman, Lothar Matthaus.

Ndërsa, po ashtu, me ndihmën e kryetarit Ahmeti, klubi shumë shpejtë do të pajiset me lejen për ndërtim të fushës së parë stërvitore në kompleksin e klubit në Bërnicë e cila pritet të nis brenda dy javësh. /Telegrafi/