Në kundërshtim me atë që besohet, kompanitë evropiane miliarda dollarësh teknologjike, të njohura si “unicorn”, po rriten më shpejt se rivalët e tyre në Shtetet e Bashkuara të Amerikës, gjë që ka dominuar teknologjinë për dekada të tëra në sajë të kompanive si Google, Facebook, Apple dhe Amazon.
Sipas raportit të GP Bullhound, përcjell Telegrafi, kompanitë evropiane po i tejkalojnë rivalët e tyre amerikanë dhe kjo po i ndihmon themeluesit e teknologjisë dhe ndërmarrësit për financime dhe blerje.
Raporti “Titans of Tech” i GP Bullhound thotë se vlera kumulative e bizneseve fillestare (Start Up) e “unicorn” të teknologjisë në Evropë e themeluar pas vitit 2000 është rritur me 28 për qind në vitin e kaluar, ndërsa vlera e kompanive amerikane është rritur me vetëm 20 për qind.
Tutje, raporti tregon se 21 miliardë dollarë kanë dalë në Evropë vetëm në vitin e kaluar nga bizneset fillestare teknologjike, duke e çuar numrin total të “unicorn” evropianë në 84, nga 30 që ka qenë në vitin 2014.
Shumë prej “unicorn” të Evropës panë vlerësimet e tyre të rriten në 2018, pasi investitorët anembanë botës investuan një rekord prej 28 miliardë dollarësh në to.
GP Bullhound deklaron se vlera e përgjithshme e ekosistemit teknologjik të Evropës tani është 302 miliardë dollarë, kjo 3.4 herë më shumë se sa ishte në vitin 2014, kur ajo vlerësohej në 89 miliardë dollarë.
Kompanitë më të mëdha të teknologjisë në Evropë janë ende mbrapa nga gjigantët më të mëdhenj të teknologjisë në SHBA dhe Azi. Në SHBA dominojnë Microsoft, Apple, Amazon dhe disa emra të tjerë të familjes. Kina ka kompani si Alibaba, Xiaomi, Tencent dhe Huawei. Japonia ka SoftBank dhe Korea e Jugut ka Samsung.
Kompania parashikon se kjo do të ndryshojë në dy vitet e ardhshme. Në mënyrë të veçantë, ajo beson se Evropa do të ketë një firmë të re teknologjike prej 50 miliardë dollarësh deri në vitin 2021 në formën e kompanisë Spotify ose Adyen, kompania e pagesave hollandeze. Kjo duket ambicioze, duke qenë se Spotify aktualisht ka vlerë 22 miliardë dollarë dhe Adyen ka vlerë 20 miliardë dollarë. Ata do të duhet të dyfishojnë vlerësimet e tyre në dy vitet e ardhshme nëse parashikimi i GP Bullhound do të realizohet.
Mungesa e gjigantëve të teknologjisë në Evropë ka qenë prej kohësh një çështje e diskutueshme dhe raportet si ky shpesh pretendojnë se një histori e madhe e suksesit të teknologjisë evropiane është vetëm një hap larg. Me përjashtim të korporatës softuerike gjermane SAP, e cila u themelua në vitin 1972, ende nuk ka një firmë teknologjike me vlerë mbi 50 miliardë dollarë në Evropë.
Gjirafa e kurorëzon pozitën e saj si unicorn i teknologjisë në Ballkan me investimin Venture Capital rekord në fushën e ekonomisë dixhitale. Me tre milion përdorues unik në muaj, në të gjitha shërbimet e Gjirafës dhe me portfolio në rritje të madhe ka tërhequr investimin nga Rockaway Capital që ka përkrahur kompaninë nga viti 2016. Investimi i ri ka për qëllim zgjerimin e produkteve aktuale në rajon. /Telegrafi/
Lufta Prigozhin - Putin
Më shumëNga Rubrika
Drejtori i Doganës së Kosovës në takim me drejtorët e përgjithshëm të doganave të Evropës
Osmani: Programi Kompakt, simbol i mbështetjes së SHBA-së për Kosovën
Lansohet programi Kompakti MCC-Kosovë mbi 236 milionë dollarësh për përmirësimin e energjisë elektrike
Lansohet programi Kompakti MCC-Kosovë mbi 236 milionë dollarësh për përmirësimin e energjisë elektrike
Kosova arrin vlerësimin e parë kreditor sovran, Rukiqi i LDK-së: Duhet të shqetësohemi për kategorinë BB-
Elon Musk është 36 miliardë dollarë më i pasur që nga kthimi nga udhëtimi i tij në Kinë
Rotary Club Prishtina Garden, klubi më i ri i Rotary në Kosovë
N’BAU krejt i gjen me zbritje këtë javë!
Marrëveshje 90 milionë euro mes Kosovës dhe Gjermanisë: Synohet punësimi, energjia dhe integrimi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri