Bayerni heq dorë nga transferimi i Sane

Bayern Munichu duket se është pajtuar me dështimin e transferimit të Leroy Sane nga Manchester City në këtë afat kalimtar.

Anësori i skuadrës angleze ishte bërë prioritet i bavarezëve në këta muajt e fundit, mirëpo tani duket se transferimi nuk do të ndodhë.

Presidenti i Bayern Munichut, Uli Hoeness, ka bërë të ditur se ata nuk duan të rrezikojnë me një dënim nga FIFA për shkak të shkeljes së rregullit financiar, pasi Manchester City kërkon mbi 100 milionë euro.

Sane ka dështuar në sezonin që lamë pas ta zinte vendin e titullarit, pasi Pep Guardiola më shumë besonte te Raheem Sterlingu dhe Bernardo Silva, madje edhe te Riyad Mahrez.

Lexo po ashtu Bayerni bën ofertën e parë zyrtare për Sanen

“Duhet të jeni skeptikë paksa. Vështirë se mund të ndodhë një marrëveshje e tillë”, ka thënë Hoeness kur është pyetur në lidhje me transferimin e Sanes.

“Ata janë duke kërkuar një shumë të lartë, atë që ne nuk mund ta ofrojë shkaku i FIFA-s. Ne nuk duam të suspendohemi për një transferim, duhet të tregohemi të kujdesshëm”, ka shtuar ai. /Telegrafi/