Trepça ‘89 siguron Superligën, fiton ndaj Vëllaznimit ndeshjen e shumë golave dhe përmbysjeve

Ndeshja e barazhit mes Trepçës ’89 dhe Vëllaznimit ka dal të jetë një nga ndeshjet më interesante këtë vit, ku kishte shumë gol dhe rikthime në rezultat, e fitorja në fund iu buzëqeshi mitrovicasve me rezultat 4-2.

Tifozët gjakovarë në numër më të madh e kishin mbush lindjen në stadium ‘Fadil Vokrri’, por nuk mungonte as përkrahja për mitrovicasit në perëndim.

Ndeshja nisi me gol që në minutën e 13-të.

Richard Asare ka qenë ai që ka shënuar bukur me kokë nga një harkim, duke e kaluar Trepçën ’89 në epërsi, (1-0).

Por ky gol nuk e prishi ritmin e ndeshjes, pasi të dy skuadrat ishin futur në fushë për të luajtur futboll.

Vëllaznimi barazoi në minutën e 26-të.

Një harkim i bukur nga e djathta në zonë, më së miri e gjeti Tun Bardhoku i cili gjuan fuqishëm me të majtën e tij dhe barazon në 1-1.

89-shi rrezikoi me Lassine Traoren dhe Arb Manajn,c në minutat 30 dhe 32, por sukses.

Pas tyre provoi edhe Renato Hyshemeri, por as ky nuk ishte i saktë.

Kur pritej që pjesa e parë të mbyllej në barazim, në skenë doli Almedin Murati që realizoi për 2-1 pas një aksioni model të nisur nga Labinot Jetullahu.

Kuqezinjtë shkuan në pushim me një gol epërsi.

As në pjesën e dytë të dy skuadrat nuk e hekën këmbën nga gazi dhe që në start filluan me raste.

Lorik Rudi provoi i pari, ndërsa u përgjigjën Muharrem Jashari dhe Ylber Maloku, por gol nuk kishte.

Në minutën e 56-të edhi goli i barazimit për 2-2.  Arb Manaj shënoi me kokë pas harkimit të Muharrem Jasharit.

Në minutën e 65-të minatorët e kthyen epërsinë, me golin e bukur të shënuar nga Hasan Hysen për 3-2.

Pas këtij goli gjakovarët u sulën për ta gjetur golin e barazimit duke lënë hapësira të mëdha prapa.

Në minutën e 87-të erdhi goli i qetësisë për Trepçën ’89, i shënuar nga Engjëll Hoti.

Në fund ishin mitrovicasit që e siguruar Superligën edhe për një edicion, ndërsa Vëllaznimi do të jetë aty ku ka qenë më herët në Ligën e Parë. /Telegrafi/

Kronika, rastet dhe golat

Trepça ’89 – Vëllaznimi 4-2

Formacionet zyrtare

Trepça ’89: Beqiri, Pira, Assare, Kaqiku, Muja, Jashari, Traore, Maloku, Hyseni, Hyshmeri, Manaj.  Kryetrajner: Veton Çitaku

Vëllaznimi: Muhaxhiri, Sahiti, Bardhoku, Syla, Maloku, Gashi, Dushi, Jetullahu, Rugova, Rudi, Murati.  Kryetrajner: Blerim Vula

Gjyqtarë: Mervan Bejtullahu, Edmond Zeqiri, Fatmir Sekiraqa, Visar Kastrati

Stadiumi: “Fadil Vokrri” – Prishtinë