Henderson flet për përvojën e parë si kundërshtar i Messit, tregon pse nuk e ndërroi fanellën me argjentinasin

Jordan Henderson ka folur rreth përvojës së tij për të luajtur kundër Lionel Messit për herë të parë.

Barcelona mundi Liverpoolin 3-0 në ndeshjen e parë gjysmëfinale të Ligës së Kampionëve në Camp Nou më parë këtë muaj, me 31 vjeçarin argjentinas që shënoi dy gola.

Kapiteni i Liverpoolit, Henderson, nuk e filloi ndeshjen si titullar, por u inkuadrua në pjesën e parë pas lëndimit të Naby Keita dhe tani anglez ka kujtuar ndjenjat e tij gjatë lojës së parë kundër Messit.

Lexo po ashtu Milner zbulon debatin me Messin në tunel: Më quajti gomar pas pjesës së parë, nuk e dinte se kuptoj spanjisht

“U inkuadrova në lojë shumë herët, kur Naby Keita u lëndua. Ishte hera e parë që kisha qenë në një fushë me Lionel Messin”, ka thënë fillimisht Henderson për Daily Mail.

“Ju nuk mendoni për veten tuaj: “Oh Zoti im – ky është ai”, por nuk ka dyshim se ai luan ndeshjen ndryshe kur e shihni atë në TV. Ai është shumë i shpejtë”.

Lexo po ashtu Krahasimet e statistikave të Messit në sezonit 2018-19 me tre finalistët e Topit të Artë 2018, argjentinasi thuajse më i mirë se të tre së bashku  

“Duke menduar tani për goditjen e tij të lirë, ende nuk mund të besoj se ai shënoi atë. Në të vërtetë mendova se do të luaj shkurt”.

“Ju kam thënë disa herë se sa i mirë është Alisson, por Messi e goditi topin në një zonë që ‘Ali’ nuk mundi ta mbronte. Goditja, ritmi, saktësia – ishte absolutisht e përkryer”, përfundoi mesfushori i Liverpoolit.

Lexo po ashtu Treshja e Liverpoolit, tre nga pesë favoritët e Topit të Artë - Messi kryesori

Anglezi tregoi tutje edhe pse nuk e ndërroi fanellën me yllin argjentinas: “Sa isha në Sunderland, Roy Keane më tha se nëse kërkon fanellën e dikujt, duket sikur ke frikë prej tyre”.

“Unë u ktheva në shtëpi me fanellën e Luis Suarezit, pasi ai është një djalë i mirë dhe më dha atë si shenj që kishim luajtur së bashku te Liverpooli”, përfundoi mesfushori anglez. /Telegrafi/