Feronikeli thyen rekordin e pikëve gjatë një sezoni, Prishtina kampion me më pak pikë

Feronikeli është shpallur kampion gjatë javës së kaluar në IPKO Superligën e Kosovës në futboll.

“Industrialistët” para shikuesve të vetë kishin arritur të triumfojnë kundër Prishtinës me rezultat 1-0, e cila gjë i solli edhe tri pikët e reja dhe të fundit në kampionat.

Nikli arriti që në saje të 25 fitoreve, pesë barazimeve dhe tri disfatave të grumbullojë gjithsej 80 pikë, më shumë se çdo kampion tjetër pasluftës në Kosovë.

Në këtë formë drenicakët thyen edhe rekordin që më parë e mbanin mitrovicasit e Trepça ’89, të cilët para dy vjetëve kishin mbyllur sezonin 20116/17 me 77 pikë të fituara.

Kujtojmë se ekipi që u shpall kampion me më së paku pikë është Prishtina e vitit 2009, ku atëbotë kishte fituar vetëm 57 pikë, gjegjësisht shtatë më pak se Besa e Pejës, e cila tashmë bën gara në Ligën e Parë të Kosovës.

Më poshtë janë dhjetë ekipet e fundit që janë shpallur kampion të Kosovës.

Drita 65 pikë (2017/18)

Trepça ’89 77 pikë (2016/17)

Feronikeli 69 pikë (2015/16)

Feronikeli 67 pikë (2014/15)

Vushtrria 64 pikë (2013/14)

Prishtina 73 pikë (2012/13)

Prishtina 65 pikë (2011/12)

Hysi 73 pikë (2010/11)

Trepça 59 pikë (2009/10)

Prishtina 57 pikë (2008/09) /Telegrafi/