Xhaka dhe Koscielny në dyshim për ndeshjen e Ligës së Evropës ndaj Napolit

Dyshja e Arsenalit, Granit Xhaka dhe Laurent Koscielny, janë dyshimet më të mëdha për ndeshjen e pare të çerekfinales së Ligës së Evropës kundër Napolit.

Arsenali do të ndeshet me Napolit të enjten nga ora 21:00 në Emirates, por kjo përballje pritet të jetë shumë e vështirë pasi do të ketë mungesa të mëdha.

Xhaka ka humbur ndeshjet e fundit të Arsenalit në Ligën Premier pasi një lëndim në ijë, ndërsa Koscielny ka munguar në mënyrë të ngjashme në disa nga ndeshjet e Topçinjve dhe të dy pritet të mungojnë edhe ndaj Napolit.

Lexo po ashtu Hidhet shorti për çerekfinalet e Ligës së Evropës, përballja më interesante ajo mes Arsenalit dhe Napolit

“Nuk e di, Koscielny duhej të kthehej të dielën, por vetëm të shtunën e mësuam se nuk ishte e mundur të kthehej”, ka thënë fillimisht Emery.

“Dua të jem pozitiv për të enjten, por kjo varet nga mënyra se si ai rikuperohet”.

“Për Xhakën është e njëjta gjë, ai është ende në dyshim për ndeshjen e të enjtes”.

“Ne kemi lojtarë të tjerë, por e dimë që mund të bëjmë paraqitje të mirë, kemi fituar edhe në ndeshjet e mëparshme përkundër mungesave që kemi pasur”, përfundoi spanjolli. /Telegrafi/